Жохан елші жазған Аян кітабы — Құдайдың адамзатпен қарым-қатынасының пайғамбарлық қорытындысы. Жаратылыс кітабында тазалық пен қарапайымдылықпен басталған тарих енді адамның жинақталған кінәсі мен қасақана тәртіпсіздігінен туындаған үлкен қиындықтармен және күрделіліктермен аяқталады. Бірақ біздің ұлы Құдайымыз сабырлы, салтанатты түрде ойланып, шатасқан жағдайды шешіп, Өзінің құдіретті даналығына сәйкес тамаша уақытта және тәртіппен соттайды.
1:19-тарауда берілген кітаптың үш негізгі бөлімі оқушыға үлкен көмек болады:
• «сен көрген нәрселер» (1-тарау);
• «қазіргі нәрселер» (2–3-тараулар);
• «бұдан кейін болатын нәрселер» (4–22-тараулар).
Біріншісі — өткен шақ; екіншісі — қазіргі шақ, Шіркеу дәуіріне қатысты; үшіншісі — болашақ шақ. 2 және 3-тарауларда Иеміз Иса Кіші Азиядағы жеті қауымның жағдайын жоғары соттық таныммен бағалайды, бұлар Шіркеудің басталуынан Иеміздің келуіне, Ұрлануға дейінгі бүкіл тарихының пайғамбарлық бейнесі болып табылады. Сот Құдай үйінен басталуы керек.
Иеміз Исаның барлық нәрселерді жеңуі, Оның мыңжылдық патшалығы, Оның Ұлы Ақ Тақ соты, жаңа аспан мен жаңа жердегі Құдайдың мәңгілік даңқы — кітаптың ұлы мәселелерінің кейбірі. Құдайдың керемет кеңестерінің даңқты шарықтау шегі! Құдайдан келген бұл соңғы сөздің оның қасиетті шындықтарын оқитындарға, тыңдайтындарға және сақтайтындарға бата жариялауы қандай орынды!
