Күнделікті нұр, 30 мамыр: Одан не сұрасақ та, аламыз

Сондықтан ешқайсымыз ата-бабаларымыз сияқты бағынбаушылыққа бола сол тыныштықтан құр қалмау үшін оны иемденуге жан сала ұмтылайық!

Еврейлерге хат 4:11

Тар қақпадан кіріңдер! Тозаққа апаратын қақпа кең, жол да даңғыл. ... Ал шынайы өмірге апаратын қақпа да, жол да тар. Соны біразы ғана табады.

Матай 7:13–14

Шомылдыру рәсімін орындаған уақытынан бері қазірге дейін Құдайдың Патшалығы күшпен алға басып, күш салғандар оны иемденуде.

Матай 11:12

Өткінші тамаққа емес, мәңгілік өмір беретін рухани нәрге ұмтылыңдар! Оны сендерге көктен келген Мен ғана бере аламын.

Жохан 6:27

Құдайдың өздеріңді меншікті халқы болуға шақырып, таңдап алғандығын өмірлеріңмен нық бекітуге ынтамен ұмтылыңдар! ... Осылайша сендерге Иеміз бен Құтқарушымыз Иса Мәсіхтің мәңгілік Патшалығының «қақпасы» айқара ашылып, оған емін-еркін кіресіңдер.

Петірдің 2-хаты 1:10–11

Сендер де «жүлдеге» ие болатындай Мәсіхтің жолымен «жүгіріңдер»! Әрбір жарыскер барлық жағынан қатаң ұстамдылық танытады. Оның алғысы келетіні — кейінірек солып қалатын гүлдестесі ғана, ал біздің алатынымыз — мәңгі солмайтын «жеңіс тәжі»!

Қорынттықт. 1-хат 9:24–25

Құдайдың жарату жұмысын тамамдаған соң тынығып демалғанындай, Оның дайындап қойған шынайы тыныштығына ие болған әркім де өз бетімен еңбектенуін доғарып, тынығады.

Еврейлерге хат 4:10

Жаратқан Ие, сенің Құдайың, Өзім мәңгілік нұрың мен салтанатың боламын!

Ишая 60:19

Тілегімді әрқашан қабыл алатыныңды білемін.

Жохан 11:42

Иса көзін көкке қадап: — Әке, тілегімді қабыл алғаның үшін Саған ризамын!

Жохан 11:41

Әке, өз атыңды ұлылыққа жеткізе гөр! — Сонда көктен: «Мен оны ұлылыққа жеткіздім және бұдан былай да жеткізе беремін!» — деген үн естілді.

Жохан 12:28

Міне ... Шиыршық кітапта Мен туралы жазылған.

Еврейлерге хат 10:7

Бірақ Менің емес, Сенің еркің болсын!

Лұқа 22:42

Осылай қиямет сотында нық сенімді боламыз.

Жоханның 1-хаты 4:17

Біз Оның еркіне сай бір нәрсе сұрасақ, Құдай тілегімізге құлақ салады деп нық сенеміз.

Жоханның 1-хаты 5:14

Одан не сұрасақ та, аламыз. Өйткені Құдайдың өсиеттерін орындап, Ол не қаласа, соны істейміз.

Жоханның 1-хаты 3:22

Ал сенім артпай Құдайға ұнау мүмкін емес. Құдайға келген әркім Оның бар екеніне сенуге және Өзін іздеп, жақыннан танығысы келгендерді Құдайдың жарылқайтынына илануға тиіс.

Еврейлерге хат 11:6

Иса мәңгі өмір сүріп, олар үшін өтініш жасайды.

Еврейлерге хат 7:25

Әкенің алдында әділ Қорғаушымыз бар. Сол Қорғаушымыз — Иса Мәсіх.

Жоханның 1-хаты 2:1