Күнделікті нұр, 22 қыркүйек: Бет-жүзіңнің нұрын маған түсіре гөр

Ой толғанысым Оған ұнамды болсын, Жаратқан Иеме ұдайы шаттанамын.

Забур жырлары 103:34

Ғашығым жас жігіттер арасында Алма ағашындай орман арасында! Саясында оның отыра берсем екен, Жемісі тәтті, ләззат табамын мен.

Таңдаулы ән 2:3

Көктегі кім Иемізбен теңесе алар, Күштілер арасында кім Жаратқанға ұқсар?

Забур жырлары 88:7

Сүйіктімнің беті нұрлы, албыраған, Ол айрықша он мың адам арасынан.

Таңдаулы ән 5:10

Сонда ол өзінде бардың бәрін түгел сатып, сол асыл інжуге ие болады.

Матай 13:46

Өлімнен қайта тірілгендердің ең Бастысы, әрі жер бетіндегі патшалықтардың Әміршісі.

Аян 1:5

Басы оның саф алтындай, шашы бұйра, Қарға, құзғынға ұқсап қап-қара.

Таңдаулы ән 5:11

Оны барлығынан да жоғары қойып, сенушілер қауымының Басы етті.

Ефестікт. хат 1:22

Сенушілер қауымының, яғни Өзінің рухани денесінің.

Қолостықт. хат 1:18

Екі беті оның аңқып жатқан Жұпар иісті шөптер өсіп тұрған Бақшадағы жүйектерге тұр ұқсап.

Таңдаулы ән 5:13

Алайда Ол бейтаныс болып қала алмады.

Марқа 7:24

Бақшадағы жүйектерге тұр ұқсап. Еріндері сұйық мүр тамшылап Жатқан лалагүлдерге тұр ұқсап.

Таңдаулы ән 5:13

Бірде-бір адам Ол сияқты сөйлеген емес! — деді.

Жохан 7:46

Тұлғасы оның Ливан тауындай, Таңдаулы самырсын ағаштарындай.

Таңдаулы ән 5:15

Бет-жүзіңнің нұрын маған түсіре гөр.

Забур жырлары 30:17

Уа, Жаратқан, жылы шыраймен қарап, Бет-жүзіңнің нұрын бізге төге гөр.

Забур жырлары 4:7

Мүмкін болса, (қаһарыңа толы) осы «тостағанды» Маған жолата көрме. Алайда Менің емес, Сенің еркіңе сай болсын!

Матай 26:39

Қазір көңілім қатты толқу үстінде. Мен не айтайын: «Әке, Мені осы күннен құтқара гөр» дейін бе? Қайта, бұл күнге осыны бастан кешіру үшін жеттім ғой.

Жохан 12:27

Себебі өз еркімді емес, Мені жіберген Әкемнің еркін орындау үшін көктен келдім.

Жохан 6:38

Өлімге, тіпті айқыштағы өлімге бойсұнды.

Філіпілікт. хат 2:8

Сонымен қатар Мәсіх жер бетінде жүргенде Өзін өлімнен құтқаруға құдіреті жететін Әкесіне қатты дауыстап сиынып, көз жасын төгіп жалбарынды. Мәсіх Әкесін терең қастерлегендіктен мінажаты қабыл болды. Құдайдың рухани Ұлы бола тұра, Мәсіх ауыр азаптар шеккен кезінде де Әкесіне мойынсұнуға үйренді.

Еврейлерге хат 5:7–8

Мен қазір Әкемнен сұрасам, Ол Маған дереу он екі әскери бөлімнен астам періштелерін жібереді! Әлде солай болмайды деп ойлайсың ба?

Матай 26:53

Былай деп жазылған ғой: Мәсіх азап шегіп өліп, үшінші күні қайта тірілуге тиіс. Оның атынан Иерусалимнен бастап барлық ұлттарға да теріс жолдан қайтқан адамдардың күнәларын Құдай кешіреді деген Ізгі хабарды жариялау да қажет.

Лұқа 24:46–47