Күнделікті нұр, 29 қазан: Оның өзі түгелдей сымбатты!

Оның өзі түгелдей сымбатты!

Таңдаулы ән 5:16

Ой толғанысым Оған ұнамды болсын.

Забур жырлары 103:34

Сүйіктімнің беті нұрлы ... Ол айрықша он мың адам арасынан.

Таңдаулы ән 5:10

Оны Сиондағы үйімнің бұрышының Іргетасы ретінде орнатып қоямын. Енді Оған сенімін артқан әркім Ұятқа қалмайтын болады әрдайым.

Петірдің 1-хаты 2:6

Сен әсемсің күллі адам баласынан, Мейірімді сөз ағылады аузыңнан.

Забур жырлары 44:3

Сондықтан да Құдай Оны көкке көтерді, Оның мәртебесін бәрінен де биіктетті, Оған бар есімнен жоғары Атақты сыйлап берді.

Філіпілікт. хат 2:9

Құдай Өзінің бүкіл болмысының рухани Ұлында тұрғанын ұнатты.

Қолостықт. хат 1:19

Мәсіхті өз көздеріңмен көрмеген болсаңдар да, Оны сүйесіңдер. Қазір де көре алмағанмен, Оған сенесіңдер. Сондықтан сендер сөзбен суреттеуге болмайтын ұлы да керемет қуанышпен шаттанып тұрсыңдар.

Петірдің 1-хаты 1:8

Мен бәрін де залал деп санаймын, өйткені Ием Иса Мәсіхті жақыннан танып білу өзге нәрселерден әлдеқайда жоғары. Иеме бола бұлардың бәрінен айырылдым, оларды түкке тұрғысыз сыпырынды деп санаймын да. Осылайша қабылдайтын сыйым — Мәсіхтің Өзі. Онымен тығыз байланыста тұруым үшін Таурат заңын орындауға негізделген жеке басымның ақталуына сүйенбеймін, қайта, Мәсіхке деген сенім арқылы Құдайдан ақталған адам болғым келеді.

Філіпілікт. хат 3:8–9

Бас діни қызметкердің жеңсіз сырт киімін алып келіңіз, — деп өтінді. Діни қызметкер оны әкелген соң.

Патшалықтар 1-ж. 30:6

Сізден кетсек, кімге бармақпыз? Мәңгілік өмірге жеткізетін сөздер Сізде.

Жохан 6:68

Себебі Кімге сенім артқанымды білемін. Оның қайтып келетін күніне дейін Өзінің маған аманаттаған Ізгі хабарын аман-есен сақтайтынына кәміл сенемін.

Тімотеге 2-хат 1:12

Қатты қиналып Жаратқанға сиындым, Жәрдем сұрап Құдайыма жалындым. Киелі орнынан Ол құлақ салды, Жалынышым Оның алдына барды. Мүшкіл кезімде олар маған бас салды, Жаратқан Ие бірақ тірегім болды, Кең-байтақ жерге Ол мені шығарды, Маған риза болып аман құтқарды.

Забур жырлары 17:7, 19–20

Жаратқан Иені мадақтаймын әр уақытта, Оны мақтаған жыр ұдайы жүрсін аузымда. Тәңір Иені шын жүректен тұтамын мақтан, Байғұс бейшаралар естіп, қуансын соған. Келіңдер, бірге Жаратқанды мадақтайықшы, Бірігіп Оның есімін марапаттайықшы! Жаратқанға сиындым, Ол жауап берді маған, Әрі азат етті мені бар қорқынышымнан. Жаратқанның ізгілігіне көз жеткізіңдер, Қандай бақытты Оған сенімін жүктегендер!

Забур жырлары 33:2–5, 9