Күнделікті нұр, 23 сәуір: Жаратқан Ие бірақ тірегім болды

Жаратқан Ие бірақ тірегім болды.

Забур жырлары 17:19

Шынында, тау-төбелердің бастарында жиналып, жалған тәңірлерге табынып, азғындыққа салынуымыз алдамшылық, көз бояушылық. Исраилдің құтқарылуы шынымен тек Құдай Иемізден ғана!

Еремия 3:23

Жаратқан — жартастай берік қорғаным, Мені қауіп-қатерден құтқарушым, Құдайым — сенім артқан шың құзым, Қалқандай қорғаушым, мықты құтқарушым, Әрі биік таудағыдай баспанам!

Забур жырлары 17:3

Уа, Сионның халқы, масаттаныңдар, Дауыстап қалықтата ән салыңдар: Исраил сиынған Киелі Құдай Енді өздеріңнің араларыңда Бөленеді салтанатты ұлылыққа!

Ишая 12:6

Иені қастерлейтіндерді қоршап тұрады Оның періштесі, ол соларды құтқарады. Әділдер жалынса, Иеміз құлақ салады, Күллі қиындықтан оларды құтқарып алады.

Забур жырлары 33:8, 18

Ежелден Құдай болып келеді баспанаң, Аясында боласың мәңгілік қолының.

Заңды қайталау 33:27

Сондықтан да біз: «Ием маған жар, мен қорықпаймын ешбір жайттан, не істей алады адам баласы маған?» деп нық сеніммен айтамыз.

Еврейлерге хат 13:6

Жаратқан Иеден басқа кім Құдай екен? Құдайымыздан басқа кім қорғайтын құз екен? Құдай мені күш-қуатқа бөлейді, Мінсіз өмір жолымен жетелейді.

Забур жырлары 17:32–33

Бірақ та Құдайдың рақымымен қазір қандай болсам.

Қорынттықт. 1-хат 15:10

Барлығымыз адасқан қойлардай тентіреп.

Ишая 53:6

Егер «күнәсізбіз» десек, онда өзімізді алдап, бізде шындықтың болмағаны.

Жоханның 1-хаты 1:8

Киелі жазбаларда бұл туралы мына тәрізді сөздер бар: Бірде-бір әділ кісі жоқ, ақылды ешкім де жоқ ... Бәрі тайып кетті теріс жолға, әбден бұзылып кетті бірігіп барлығы да.

Римдіктерге хат 3:10–12

Өз бетімен жүріп, адасып кеткен қой сияқты едіңдер, ал қазір өздеріңді бағып жетелеп, жандарыңды қорғап жүретін «Бағушыларыңа» қайта оралдыңдар.

Петірдің 1-хаты 2:25

Жоғалған қой іспетті адасып келемін, О, Ием, іздеп мені, қасыңа қайтарсаң екен, Өсиеттеріңді енді шығармаймын есімнен.

Забур жырлары 118:176

Ием жаныма күш дарытады. Есімі «Қасиетті» деп аталады, Содан артамын Оған сенімімді: Ол мені тура жолмен жетелейді.

Забур жырлары 22:3

Өз «қойларым» даусымды естіп, бағынады. Мен оларды жақсы білемін, олар Маған еріп жүреді. Соларға мәңгілік өмір беремін. Олар ешқашан жойылмайды, ешкім оларды Менің қолымнан тартып та алмайды.

Жохан 10:27–28

— Егер араларыңдағы біреудің жүз қойы болып, солардың бірін жоғалтып алса, ол не істемек? Тоқсан тоғыз қойын далада қалдырып, жоғалып кеткенін тапқанша іздемей ме?

Лұқа 15:4