Күнделікті нұр, 22 мамыр: Осы дүние мен оның ләззаты өткінші

Мен сендерге амандық пен тыныштық сыйлаймын, Өзімнің тыныштығымды беремін. Менің беретінім осы дүниенің беретін өткінші тыныштығы сияқты емес.

Жохан 14:27

Осы дүние мен оның ләззаты өткінші.

Жоханның 1-хаты 2:17

Адамдар өмірден елестей өтеді, Мал-мүлік мол жинап бекер күйбеңдейді, Себебі соның кімге тиерін білмейді.

Забур жырлары 38:7

Сол кездегі өмір салттарыңнан қандай нәтижелер көрдіңдер? Олар қазір өздерің де ұялатын істер еді. Солардың ақыры — мәңгілік өлім!

Римдіктерге хат 6:21

Марта-ай, сен көп нәрсенің қамын ойлап, уайымдайсың. Ал керегі бір-ақ нәрсе ғой: Мәриям игілікті жағын таңдап алды, оны содан ешкім айыра алмайды, — деді.

Лұқа 10:41–42

Жалпы, сендерді уайым-қайғы баспаса екен деймін.

Қорынттықт. 1-хат 7:32

Мен бұларды сендер Менімен тығыз байланыста тұрып, тыныштыққа кенелсін деп айттым. Күнәкар дүниеде қысымшылық көресіңдер; алайда батыл болыңдар: Мен осы дүниені жеңіп шықтым!

Жохан 16:33

Тыныштықтың бастауы — Жаратқан Иенің Өзі сендерге әрдайым қай нәрседе де тыныштық сыйлай берсін!

Салониқал. 2-хат 3:16

Жаратқан Ие сені жарылқап аман сақтай көрсін, Жаратқан Ие саған бетінің нұрын төгіп рақымды бола көрсін, Жаратқан Ие саған бет-жүзін бұрып тыныштық сыйлай көрсін!

Руларды санау 6:24–26

Сонымен қатар әлсіреген бізді Киелі Рух та қолдайды.

Римдіктерге хат 8:26

Ал Әкем Менің атымнан Қамқоршыларың.

Жохан 14:26

Әлде денелеріңнің Киелі Рух мекендейтін киелі үй екенін білмейсіңдер ме? Сендер Құдайдан қабылдаған Киелі Рух бойларыңнан орын алды.

Қорынттықт. 1-хат 6:19

Себебі Өзіне ұнайтын істерді қалап.

Філіпілікт. хат 2:13

Тәңір Иеден не тілейтінімізді дұрыстап білмесек те, Киелі Рухтың Өзі біз үшін өтініш етіп, сөзбен айта алмас ыңқыл, күрсінісімізді Оған жеткізеді. Ал Тәңір Ие адам жүрегінің түкпір-түкпіріндегіні біледі. Киелі Рух Құдайдың адамдары үшін Оның еркіне сай өтініш жасағанда Құдай Киелі Рухтың ниетін де түгелдей түсінеді.

Римдіктерге хат 8:26–27

Неден жаратылдық, соны түгел біледі, Топырақтан екеніміз Оның есінде.

Забур жырлары 102:14

Ол майысқан таяқты сындырмайды, Бықсыған білтені де сөндірмейді.

Ишая 42:3

Сиынып мінажат етіңдер! Рух дайын болғанмен, тән осал», — деді.

Матай 26:41

(Дәуіттің жыры.) Жаратқан Ием — менің Бағушым, Мен еш нәрседен де тарықпаймын. Ол мені жасыл жайлауға жаяды, Тұнық суға жетелеп апарады.

Забур жырлары 22:1–2