Күнделікті нұр, 29 ақпан: Мақтанба ертеңгі күніңмен

Мақтанба ертеңгі күніңмен, Сол күннің не әкелерін білмейсің сен.

Нақыл сөздер 27:1

Тыңдаңдар: Оның мейірім көрсететін кезі осы, құтқаратын күні, міне, бүгін!

Қорынттықт. 2-хат 6:2

Нұр тағы біраз уақыт сендермен бірге болады. Өздеріңді қара түнектің баспауы үшін «Нұр» барда жүре беріңдер! Түнекте жүргендер қайда бара жатқандарын білмейді. Қастарыңда «Нұр» барда Соған сеніңдер, сонда «Нұрдың адамдары» боласыңдар.

Жохан 12:35–36

Қандай істі қолға алсаң да, соны жан сала істе! Себебі о дүниеге аттанған соң, онда не жұмыс істеу, не ойлап жоспарлау, не білім мен ғылым деген атымен жоқ екен.

Уағыздаушы 9:10

Көп жылға жететін мол қорың бар, енді демалып, ішіп-жеп, көңіліңді көтер деймін». ... Ей, түйсіксіз пенде, бүгін түнде жаның алынады! Сонда сенің жиып-тергенің кімге қалады?» — дейді. Өзі үшін байлық жинап, ал Құдаймен қарым-қатынасында бай болмаған адамның ақыры осындай.

Лұқа 12:19–21

Өмірлерің неге ұқсас? Ол әншейін аз уақытқа көрініп, кейін ғайып болатын бу іспетті емес пе?

Жақыптың хаты 4:14

Осы дүние мен оның ләззаты өткінші, ал Құдайдың еркін орындаушылар мәңгі өмір сүреді.

Жоханның 1-хаты 2:17

Ал Өзің өзгермей қалатын боласың, Еш таусылмайды Сенің жасар жылдарың.

Забур жырлары 101:28

Жаратылмай-ақ жер мен бүкіл әлем, Таулар жаратылмас бұрын бар боп келген, Мәңгі тірі болатын Құдайсың Сен!

Забур жырлары 89:3

Жаратқан Ие, еш өзгермеймін, (Келісіміме адал болып қаламын). Сондықтан да сендер, уа, Жақыптың ұрпақтары, құрып кеткен жоқсыңдар.

Малахи 3:6

Қазір және болашақта мәңгілік Өзі болып қала береді.

Еврейлерге хат 13:8

Көктегі Әкеміз берген қай нәрсе де игі. Нұр шашқан аспан денелерін жаратқан Ол бізге Өзінің мүлтіксіз жарылқауын жаудырады. Аспан денелерінің көлеңкелері қозғала бергенмен, Құдайда ешқандай тұрақсыздық жоқ.

Жақыптың хаты 1:17

Себебі Құдай уәде беріп, таңдап алғандығынан таймайды.

Римдіктерге хат 11:29

Құдай өтірік айтатын пенде емес, Ойын өзгерте беретін адам да емес.

Руларды санау 23:19

Түгелдей құрып кетпегеніміз біздің Берік рақымынан Жаратқан Иенің, Өйткені рақымы Оның сарқылмас дәйім.

Жоқтау 3:22

Ал Иса мәңгі бақи жасайтындықтан, Оның діни қызметі де өткінші емес. Сол себептен Ол Өзі арқылы Құдайға сиынғандардың бәрін толықтай құтқара алады. Иса мәңгі өмір сүріп, олар үшін өтініш жасайды.

Еврейлерге хат 7:24–25

Қорықпа! Мен Алғашқымын да Соңғымын.

Аян 1:17