Күнделікті нұр, 24 шілде: Әрдайым үміттеніп қуаныңдар

Әрдайым үміттеніп қуаныңдар, қиыншылыққа шыдап.

Римдіктерге хат 12:12

Ол Жаратқан Ие ғой, Оның әділ еркі орындалсын, — деді.

Патшалықтар 1-ж. 3:18

Мен әділ болсам да, Оның маған таққан кінәларына жауап бере алмаймын. Қайта, мені соттайтын Төрешімнен рақым етуін ғана жалынып өтіне аламын.

Әйүп 9:15

Жаратқан Ие сыйлап берді де, Жаратқан Ие қайтарып алды да. Жаратқан Иенің есімі мадақтала берсін!

Әйүп 1:21

Соны қабылдау, ал ауыртпалық жіберсе, содан бас тарту дұрыс па өзі? — деп жауап қатты.

Әйүп 2:10

Иса көзіне жас алды.

Жохан 11:35

Жалғыз қалдырды. Ол ауыр азап көріп, көп қасірет шегіп, жұрт бетін бұрып әкететіндей жиренішті болды.

Ишая 53:3–4

Иеміз Өзі сүйетін әркімді Түзетеді әрі тәрбиелейді, Бауырына басқан әр баласын да Жазалайды қажет болғанда.

Еврейлерге хат 12:6, 11

Сендер Оның ұлы құдіретінен мол қуат алып, әрдайым төзімділік пен ұстамдылық таныта алсын әрі қуанышқа кенеліп.

Қолостықт. хат 1:11

Мен бұларды сендер Менімен тығыз байланыста тұрып, тыныштыққа кенелсін деп айттым. Күнәкар дүниеде қысымшылық көресіңдер; алайда батыл болыңдар: Мен осы дүниені жеңіп шықтым!

Жохан 16:33

Қайта, Ыбырайым Құдайдың уәдесіне күмәнданбай.

Римдіктерге хат 4:20

Иса жауап беріп шәкірттеріне былай деді: — Құдайға сеніңдер! Сендерге шындығын айтайын: біреу мына тауға «Орныңнан көтеріліп, теңізге лақтырыл!» деп, айтқан сөзінің іске асатынына жүрегінде еш күмәнданбай сенсе, сол өтініші орындалады. Сондықтан сендерге былай деймін: Құдайға сиынып (Оның еркіне сай) не сұрасаңдар да, соны қабылдадық деп сеніңдер! Сонда ол орындалмақ.

Марқа 11:22–24

Ал сенім артпай Құдайға ұнау мүмкін емес. Құдайға келген әркім Оның бар екеніне сенуге және Өзін іздеп, жақыннан танығысы келгендерді Құдайдың жарылқайтынына илануға тиіс.

Еврейлерге хат 11:6

Ол туралы «сенің ұрпағың Ысқақтан тарайтын болады» деген уәде алғанымен, Ыбырайым жалғыз ұлын құрбан етуге дайын болды. Ыбырайым Құдай баламды өлімнен қайта тірілтуге де құдіретті деп есептеді.

Еврейлерге хат 11:17–19

Осылай ол Тәңірдің өз уәдесін орындай алатынына қалтқысыз сеніп, Оған құрмет көрсетті.

Римдіктерге хат 4:21

Жаратқан Ие істей алмайтын тым қиын іс бар ма?

Жаратылыстың баст. 18:14

Бірақ Құдайдың қолынан бәрі де келеді, — деп жауап берді.

Матай 19:26

Сенімімізді арттыра көріңіз, — деп өтінді.

Лұқа 17:5