Күнделікті нұр, 29 тамыз: Бірақ сендер одан бас тарттыңдар!

Жаратқанға сенім артқан бақытты болар.

Нақыл сөздер 16:20

Қайта, Ыбырайым Құдайдың уәдесіне күмәнданбай, Оған деген сенімінен қуат алды. Осылай ол Тәңірдің өз уәдесін орындай алатынына қалтқысыз сеніп, Оған құрмет көрсетті.

Римдіктерге хат 4:20–21

Осылайша яһудалықтар ата-бабалары сиынған Құдайы Жаратқан Иеге сенімдерін артқандықтан, күш-қуаты артып жеңіске жетті.

Шежірелер 2-ж. 13:18

Құдай — біздің панамыз да күшіміз, Қиын кезде сенімді көмекшіміз. Сол себептен біз уайымдап қорықпаймыз, Тіпті дүниенің астан-кестені шықса да, Таулар теңіздің тұңғиығына құласа да.

Забур жырлары 45:2–3

Адам баласына сенім артқаннан гөрі Жаратқан Иені паналау сондай игі! Әмірші, әкімдерге сенім артқаннан гөрі Жаратқан Иені паналау сондай игі!

Забур жырлары 117:8–9

Әділдің қадамын Жаратқан нығайтады, Жүрген өмір жолын Ол ұнатады, Сүрінсе әділ жан, біржола құламайды, Жаратқан оны қолынан демеп қолдайды.

Забур жырлары 36:23–24

Жаратқанның ізгілігіне көз жеткізіңдер, Қандай бақытты Оған сенімін жүктегендер! Қастерлеңдер Иені, Оның қасиеттілері! Жоқшылық қинамайды Оны қастерлейтіндерді.

Забур жырлары 33:9–10

Уа, Жаратқан, мен төсегіме жатып Ұйықтаймын енді қаннен-қаперсіз, Өйткені Өзің маған бердің сыйлап Тыныш өмірді қауіп-қатерсіз.

Забур жырлары 4:9

Түнде сен қара түнек қорқынышынан ... Сені Өзінің «қанатымен» жауып алады, «Қалқан мен қамалың» — Оның адалдығы.

Забур жырлары 90:5, 4

Мен де сенің халқыңды қанша рет жинамақшы болдым. Бірақ сендер одан бас тарттыңдар!

Матай 23:37

Тайдырмайды Ол табаныңды, Ұйықтамайды Қорғаушың, Исраилді Қолдап-қорғаушы Қалғымайды да ұйықтамайды. Қорғаушың — Жаратқан Ие, Қасыңда Ол саяң болып жүреді.

Забур жырлары 120:3–5

Уа, Құдай, мекеніңде мәңгі тұрайыншы, «Қанатыңның астынан» тыным табайыншы.

Забур жырлары 60:5

Десем де, түнек жасырмайды Сенен, Саған күндей нұрлы — түннің өзі де, Жарықтай айқын — түнек те көзіңе!

Забур жырлары 138:12

Ол Өзінің жалғыз рухани Ұлын аямай, Оны біз үшін өлімге қиды. Ендеше Онымен бірге бізге қажеттінің бәрін қалайша сыйламайды?

Римдіктерге хат 8:32

Ал сендер Мәсіхтің меншігісіңдер және Мәсіх — Құдайдікі.

Қорынттықт. 1-хат 3:23

Әлемнің Иесінің сот жүргізетін сол күні күллі мақтаншақтар мен тәкаппарлар, өзін-өзі дәріптеуші әркім де масқараланып төмендетіледі!

Ишая 2:12