Күнделікті нұр, 10 сәуір: Өңім қара торы, әйтсе де сұлумын

Өңім қара торы, әйтсе де сұлумын.

Таңдаулы ән 1:4

Мен күнәкар болып дүниеге келдім, Құрсақта жатқанда-ақ күнәкар едім.

Забур жырлары 50:7

Менің саған берген салтанатым көркіңді кемеліне келтіріп, сол туралы даңқың халықтардың арасына кең жайылды», — дейді Жаратушы Тәңір Ие.

Езекиел 16:14

Мен күнәкар адаммын! — деді.

Лұқа 5:8

(Күйеу жігіт:) Неткен сұлу едің, сүйіктім менің! Қандай көріктісің, қымбаттым.

Таңдаулы ән 4:1

Сондықтан бұрынғы айтқандарыма өкініп, қатты қайғырып күл-топырақта отырмын.

Әйүп 42:6

Қымбаттым, сен тұтастай әдемісің, Жоқ тұла бойыңда ешқандай мінің!

Таңдаулы ән 4:7

Жақсылық жасағым келсе де, бойымдағы жаман құмарлық қарсы тұрады.

Римдіктерге хат 7:21

Балам, сенің күнәларың кешірілді! — деді.

Матай 9:2

Менің бойымда, яғни ескі күнәкар болмысымда, жақсылық жоқ екенін білемін.

Римдіктерге хат 7:18

Сендер Мәсіхпен тығыз байланысып, рухани игіліктерге толықтай ие болдыңдар.

Қолостықт. хат 2:10

Толық кемелденген түрде Құдай алдына әкелуге талаптанудамыз.

Қолостықт. хат 1:28

Алайда сендер күнәдан тазардыңдар; енді Иеміз Иса Мәсіхтің атына сиынып Құдайымыздың Рухы арқылы Оның қасиетті халқы болып, ақталдыңдар.

Қорынттықт. 1-хат 6:11

Патшаның діни қызметкерлері, Оған бағышталған қасиетті ұлт — Құдайдың меншікті халқы болдыңдар!

Петірдің 1-хаты 2:9

Мәсіх Исамен жүріп, Құдайға ұнамды өмір сүргісі келетіндердің бәрі де қуғындалатын болады.

Тімотеге 2-хат 3:12

Сөйтіп (пайғамбардың алдын ала айтқан мына тәрізді сөздерін) жүзеге асыруға келдім: «Өз ұлы әкесіне, қызы шешесіне, келіні енесіне қарсы шығады. Адамның дұшпаны өз үй іші болады».

Матай 10:35–36

Осы дүниемен дос болғысы келген әркім Құдайдың жауына айналады.

Жақыптың хаты 4:4

Осы күнәлі дүниені және ондағы еш нәрсені сүймеңдер! Осы дүниені сүйгендердің көктегі Әкеге сүйіспеншілігі жоқ. Себебі осы дүниеге тән нәрселердің бәрі: күнәкар адамның құмарлықтары, көзінің қомағайлығы әрі тұрмысына мастануы көктегі Әкеден емес, осы дүниеден бастау алған.

Жоханның 1-хаты 2:15–16

Күнәкар дүние сендерді жек көрсе, оның сендерден бұрын Мені жек көргенін біліңдер. Егер де осы дүниелік болсаңдар, ол сендерді өз адамдары ретінде жақсы көрер еді. Бірақ осы дүниелік емессіңдер, керісінше, Мен сендерді күнәкар дүниенің ішінен таңдап, айырып алдым. Сондықтан да ол сендерді жек көреді ... қызметшінің жолы қожайынынан үлкен емес. Күнәкарлар Мені қудаласа, сендерді де қудалайды.

Жохан 15:18–20

Бұларға Сенің хабарыңды білдірдім. Күнәкар дүние оларды жек көріп келеді, себебі Менің осы дүниелік еместігім сияқты, бұлар да сондай емес.

Жохан 17:14