Күнделікті нұр, 8 мамыр: Оған толықтай ризамын! (Матай 3:17)

Алайда Жаратқан Иенің Қызметшісі Оның еркімен азап шегіп құртылды.

Ишая 53:10

Қазір көңілім қатты толқу үстінде. Мен не айтайын: «Әке, Мені осы күннен құтқара гөр» дейін бе? Қайта, бұл күнге осыны бастан кешіру үшін жеттім ғой. Әке, өз атыңды ұлылыққа жеткізе гөр! — Сонда көктен: «Мен оны ұлылыққа жеткіздім және бұдан былай да жеткізе беремін!» — деген үн естілді.

Жохан 12:27–28

Егер Сен қаласаң, (қаһарыңа толы) осы «тостағанды» Маған жолатпай алып кете гөр. Бірақ Менің емес, Сенің еркің болсын! Сонда көктен бір періште келіп, Исаға күш берді.

Лұқа 22:42–43

Өзін төмен тұтып, Құдайға мойынсұнды, Өлімге, тіпті айқыштағы өлімге бойсұнды.

Філіпілікт. хат 2:8

Әкем Мені жақсы көреді, себебі Мен жанымды қиямын, содан кейін оны қайтадан аламын.

Жохан 10:17

Себебі өз еркімді емес, Мені жіберген Әкемнің еркін орындау үшін көктен келдім.

Жохан 6:38

Әкем Маған белгілеп қойған азапты тартуым керек, соны білмеуші ме едің? — деп ескертті.

Жохан 18:11

Мен әрқашан Оған ұнайтынын істейтіндіктен, Әкем Мені жалғыз қалдырмайды.

Жохан 8:29

Оған толықтай ризамын! — деген дауыс естілді.

Матай 3:17

Жаным рақат табатын таңдаулым!

Ишая 42:1

Жаратқан Иеге сиынатындар, ешқашан жалбарынуларыңды доғармаңдар!

Ишая 62:6

Нөкерлер мен ақсақалдар жаңа мадақтау жырын айтып былай деді ... Әрі Құдайымызға арнап соларды Жасадың діни қызметкерлер патшалығы.

Аян 5:9–10

Кернейлерді тартатындар — Һароннан тараған діни қызметкерлер болсын. Бұл — болашақтағы ұрпақтарыңа да тиісті тұрақты ереже. Елдеріңде өздеріңе зорлық жасаған жауға қарсы соғысқандарыңда да, кернейлерді дабыл беріп тартыңдар! Сонда Мен, Құдайларың Жаратқан Ие, сендерді ескеріп, жауларыңнан құтқаратын боламын.

Руларды санау 10:8–9

Әрі Жақыптың ұрпақтарынан Өзіме бекерге бет бұрып, бой ұсынуын талап етпедім.

Ишая 45:19

Халыққа бата берді. Олардың дауыстарына Құдай құлақ асып, мінажаттары Оның көктегі киелі тұрағына жетіп жатты.

Шежірелер 2-ж. 30:27

Жаратқан Ие әділдерге назар аударады, Өзіне жалынған оларға құлақ салады.

Забур жырлары 33:16

Жасаған күнәларыңды бір-біріңе айтып мойындап, бір-бірің үшін сиыныңдар! Әділ адамдардың Құдайға сиынуларының күші орасан зор.

Жақыптың хаты 5:16

Иеміз Иса, келе гөр!

Аян 22:20

Кешіге көрмеші, о, Құдайым менің.

Забур жырлары 39:18

Себебі сендер Құдайдың алдын ала белгілеген күнін сағына күтіп, оны тезірек келтіргілерің келеді.

Петірдің 2-хаты 3:12