Күнделікті нұр, 21 тамыз: Уа, Жаратқан, Өзіңсің менің үлесім

Уа, Жаратқан, Өзіңсің менің үлесім.

Забур жырлары 118:57

Бәрі де сендерге игілік көрсетуге қатысады: Ал сендер Мәсіхтің меншігісіңдер және Мәсіх — Құдайдікі.

Қорынттықт. 1-хат 3:21, 23

Ұлы Құдайымыз әрі Құтқарушымыз Иса Мәсіх зор салтанатпен көрінетін болады. Ол бізді бүкіл жамандық атаулыдан азат етіп.

Титке хат 2:13–14

Оны барлығынан да жоғары қойып, сенушілер қауымының Басы етті.

Ефестікт. хат 1:22

Сендер де әйелдеріңді солай сүйіңдер: Мәсіх қауым үшін жанын қиды! Сонымен қауым күйеуіне апарылған қалыңдықтай салтанатты да сұлу, ешбір дақсыз, ақаусыз, басқа да кемшіліксіз, қасиетті де пәк таза болсын.

Ефестікт. хат 5:25, 27

Тәңір Иені шын жүректен тұтамын мақтан.

Забур жырлары 33:3

Жаратқан Иеге қатты қуанам, Құдайыма шаттанады жан дүнием, Мені Ол құтқарып, амандыққа бөледі, Үстіме әділдікті де жауып берді! Күйеу жігіт діни қызметкер іспетті.

Ишая 61:10

Өзіңнен басқа кімім бар еді көкте? Өзге ештеңе аңсамаймын жерде де! Тәнім әлсіреп, жаным шаршағанмен, Уа, Құдай, мәңгілік жар боласың Сен, Жүрегімнің берік тірегі бола бересің.

Забур жырлары 72:25–26

Жаратқанға былай деймін: Сен Иемсің ... Уа, Ием, маған жар болып келесің, Жарылқап мені амандық бересің, Тағдырым қауіпсіз қолыңда Сенің. Тамаша — маған тиген үлесім, Қатты ұнайды ғажайып мұрам.

Забур жырлары 15:2, 5–6

Адамға түзу болып көрінген жолдар да бар, Ақырында олар ажалға бастап апарар.

Нақыл сөздер 14:12

Өз ақылына ғана сенген аңғал болар.

Нақыл сөздер 28:26

Сенің сөздерің қадамдарымды жарқыратады, Өмір жолыма шам-шырақтай нұрын шашады.

Забур жырлары 118:105

Іс-әрекетімде сөздеріңе бағынам, Аулақ жүріп келем зорлықшының жолынан.

Забур жырлары 16:4

Егер араларыңда пайғамбар не көріпкел пайда болып ... басқа тәңірлерге табынып құлшылық етейік!» — деп сендерді өздеріңе бейтаныс тәңірлерге мойынсұнуға еліктіріп азғырса, онда сендер сондай пайғамбардың не көріпкелдің айтқан сөздерін тыңдамаңдар! Осы жайт арқылы Құдайларың Жаратқан Ие сендерді, Өзін шын жүректен және бүкіл жан дүниелеріңмен сүйетін не сүймейтіндеріңді білу үшін сынайды. Сендер тек Құдайларың Жаратқан Иенің жолымен жүріп, жалғыз Оны ғана қастерлеулерің керек! Оның өсиеттерін орындап, даусына құлақ асатын болыңдар! Әрдайым Жаратқан Иеге қызмет етіп, Одан ажырамастай берік ұстаныңдар!

Заңды қайталау 13:1–4

Мен саған ақыл-кеңес беремін, Жүретін жолыңды көрсетемін. Сені таса қылмай көзімнен, Әрдайым жетелеп жүремін Мен.

Забур жырлары 31:8