Күнделікті нұр, 5 сәуір: Сенімің ғаламат зор екен!

Маған батаңды бермейінше сені жібермеймін, — деп жауап берді.

Жаратылыстың баст. 32:26

Әйтпесе солар Мені паналасын, Менімен бітімге келіп, татулассын, Осылай Өзіммен ынтымақта болсын!

Ишая 27:5

Сенімің ғаламат зор екен! Тілегенің болсын! — деді.

Матай 15:28

Деп, көздеріне саусағын тигізді.

Матай 9:29

Тек шүбәланбай, сеніммен Құдайдан сұрауларың керек. Себебі күмәнданған адам жел айдап, соқтығысқан теңіз толқынына ұқсас. Мұндай кісі Жаратқан Иеден бір нәрсе аламын деп күтпесін.

Жақыптың хаты 1:6–7

Олар бара жатқан ауылға жақындағанда, Иса тоқтамай жүре беретін сыңай танытты. Бірақ екі шәкірт: — Бізбен бірге бола көріңіз! Күн кеш болды ... Бірақ Ол кенеттен көздеріне көрінбей қалды. Олар біріне-бірі: «Ол жолшыбай бірге келе жатып, бізге Киелі жазбалардың мәнін ашып бергенде, жүректеріміз жалындап кеткен жоқ па еді?» — десті.

Лұқа 24:28–29, 31–32

(бізді жүргізетін) өз жолдарыңды білдіре гөр. Сонда мен Өзіңмен тығыз байланыста тұрамын, келешекте де Сенің рақымың маған түсетін болады. ... Өзім бірге барып жар болып, жаныңа тыныштық сыйлаймын, — деп жауап қайырды.

Мысырдан шығу 33:13–14

Бар назарымызды Исаға аударайық! Бастапқыда сенім жолын салған Ол бізді сеніміміз арқылы Құдай белгілеген мақсатымызға жеткізеді де.

Еврейлерге хат 12:2

Бүкіл әлемнің Билеушісі — әрдайым бар, мәңгі болып келген және болашақта келетін Құдай Ие: «Алғашқы да, Соңғы да Менмін!» — дейді.

Аян 1:8

Кім бұларды жоспарлап, жүзеге асырады? Кім болашақ дәуірлерді алдын ала жариялайды? Мұны істеуші Мен, Жаратқан Иемін! Алғашқы да, Соңғы да Өзіммін!

Ишая 41:4

Тыныштықты сыйлайтын Құдай сендерді Өзіне толықтай бағышталдырып, қасиетті өмір сүргізсін. Иеміз Иса Мәсіх қайтып келгенде мінсіз болуларың үшін рухтарың мен жан-тәндерің кіршіксіз пәк сақталсын. Сендерді шақырған Құдай сенімді, Ол бұларды жүзеге асырады да.

Салониқал. 1-хат 5:23–24

Мәсіх Иса қайта оралар күнге дейін толықтай аяқтайтынына кәміл сенемін.

Філіпілікт. хат 1:6

Сондай түйсіксіз бе едіңдер: рухани өмірді Киелі Рухпен бастап, өз күштеріңмен кемелденбек екенсіңдер ғой?

Ғалаттықт. хат 3:3

Осыны істейді мен үшін Жаратқан, Рақымың.

Забур жырлары 137:8

Себебі Өзіне ұнайтын істерді қалап, жүзеге асыруларыңа түрткі болушы — Құдай.

Філіпілікт. хат 2:13