Күнделікті нұр, 4 маусым: Заңғар көкте Құдай мадақталсын!

Бұл киелі үйдің болашақ салтанаты бұрынғы киелі үйдікінен де асып түседі ... Осы жерде Мен амандық пен тыныштық сыйлаймын!

Хаққай 2:9

Ал Жаратқан Иеге арнап салынбақ киелі үй зәулім де сәулетті ғимарат болуға тиіс. Оның даңқы күллі халықтарға жайылатын болсын! Сондықтан оның құрылысына дайындық жасайын.

Шежірелер 1-ж. 22:5

Діни қызметкерлер оған кіре алмай қалды.

Шежірелер 2-ж. 7:2

Мен оны үш күнде қайта тұрғызамын, — деп жауап қатты. Бірақ Иса «киелі үй» дегенде Өзінің денесі туралы айтқан еді.

Жохан 2:19, 21

Кезінде салтанатқа кенелген Көне Келісім, өзінен әлдеқайда салтанатты Жаңа Келісімнің келуіне байланысты бар салтанатынан айырылды.

Қорынттықт. 2-хат 3:10

Сөз адамға айналып, арамызда өмір сүрді. Сонда біз Әкенің жалғыз рухани Ұлының асқан ұлылығын көрдік: Ол рақымдылық пен шындыққа толы еді.

Жохан 1:14

Өткен заманда Құдай әлденеше рет түрлі жолдармен өз хабарын ата-бабаларымызға пайғамбарлар арқылы жеткізіп отырған. Ал осы соңғы заманда Ол бізге хабарын Өзінің рухани Ұлын жіберіп жеткізді. Құдай Сол арқылы әлемді жаратып, Оны барлығының иесі етіп тағайындады.

Еврейлерге хат 1:1–2

«Заңғар көкте Құдай мадақталсын! Жер жүзінде Өзі риза болған Адамдарға тыныштық болсын!»

Лұқа 2:14

Деп те аталатын болады.

Ишая 9:6

Мәсіх — татулығымыздың Бастауы.

Ефестікт. хат 2:14

Сонда Құдайдың адам ақылынан асқан керемет тыныштығы сендердің жүректерің мен ой-саналарыңды Мәсіх Исада сақтайды.

Філіпілікт. хат 4:7

Жамандыққа қарсы тұратын «нұрдың қаруын» асынайық!

Римдіктерге хат 13:12

Одан да Иеміз Иса Мәсіхке беріле түсіп, Оны үлгі етіңдер.

Римдіктерге хат 13:14

Осылайша қабылдайтын сыйым — Мәсіхтің Өзі. Онымен тығыз байланыста тұруым үшін Таурат заңын орындауға негізделген жеке басымның ақталуына сүйенбеймін, қайта, Мәсіхке деген сенім арқылы Құдайдан ақталған адам болғым келеді.

Філіпілікт. хат 3:8–9

Құдай яһуди және басқа ұлт адамдарының бәрін де Иса Мәсіхке деген сенімдері арқылы ақтайды.

Римдіктерге хат 3:22

Күйеу жігіт діни қызметкер іспетті.

Ишая 61:10

Жаратушы Тәңір Ием, құдіретіңді ойлаймын, Тек Сенің әділдігіңді жұртқа жариялаймын.

Забур жырлары 70:16

Бұрын сендер түнек болдыңдар, ал енді Иемізбен байланысып, «нұрсыңдар»: ендеше «нұрдың адамдары» болып әрекет етіңдер! түнектегі адамдардың бекер істеріне араласпаңдар, қайта, оларды әшкерелеңдер! Ал түнекке нұр шашылса, ондағының бәрі анық көрінеді. Бар нәрсені әшкерелейтін — нұр. Сондықтан да былай деп айтылады: «Оян, ей, ұйқышыл, Рухани өлімнен тіріл! Мәсіх саған төгеді нұр». Сонымен парасатсыз емес, ақыл-парасатпен өмір сүруге ерекше ден қойыңдар.

Ефестікт. хат 5:8, 11, 13–15