Күнделікті нұр, 5 маусым: Біз небәрі түкке тұрғысыз малаймыз

Құдайдың өздеріңе бұйырғандарының бәрін орындағаннан кейін: «Біз небәрі түкке тұрғысыз малаймыз.

Лұқа 17:10

«Ал енді, мақтануымызға бола ма?» Мақтанатын түгіміз жоқ. «Не себептен бұлай? Игі істер жасау арқылы ақтала аламыз ба?» Жоқ, сену арқылы ғана ақтала аламыз.

Римдіктерге хат 3:27

Құдайдан қабылдамаған нелерің бар? Бәрін қабылдаған соң, несіне өз жетістігіміз деп мақтанасыңдар?

Қорынттықт. 1-хат 4:7

Себебі Құдайдың рақымымен, Мәсіхке деген сенімдерің арқылы құтқарылдыңдар. Бұл — өздеріңнің жетістіктерің емес, Құдайдан келген сый. Сондықтан игі істерімнің арқасында құтқарылдым деп ешкім мақтанбасын. Құдай бізді Иса Мәсіхпен тығыз байланыста болып, игі істер жасау үшін ерекше қылып жаратты. Соларды орындауымыз үшін Құдай бізге алдын ала жағдай туғызды да.

Ефестікт. хат 2:8–10

Бірақ та Құдайдың рақымымен қазір қандай болсам, сондай болдым. Оның рақымы бойымда бекер болған да емес. Қайта, басқалардың барлығынан көп еңбек еттім, ал шын мәнісінде мен өзім емес, маған жар болған Құдайдың рақымы еңбектенді.

Қорынттықт. 1-хат 15:10

Себебі әлемнің бәрі де Құдайдан, Ол арқылы, Ол үшін пайда болған.

Римдіктерге хат 11:36

Өз қолыңның бізге сыйлағандарын ғана Өзіңе тарту етіп отырмыз.

Шежірелер 1-ж. 29:14

Тергеп соттай көрме мені, қызметшіңмін, Мінсіз жан болмайды алдыңда Сенің.

Забур жырлары 142:2

Неден жаратылдық, соны түгел біледі, Топырақтан екеніміз Оның есінде.

Забур жырлары 102:14

Сонда Құдай Ие жердегі топырақтан адамды қалыптастырып жасап, оның мұрнына тіршілік лебін үрледі. Адам осылай тірі жан болып шыға келді.

Жаратылыстың баст. 2:7

Тамаша жаралдым, Сені мадақтаймын, Керемет ғажап — жасаған істерің, Мұны мен шын жүректен мойындаймын. Мен ана құрсағында қалыптастым, Құпия жерде жатқанда жаратылдым ... Ұрық күйімде мені көзіңмен көрдің. Сен маған бұйырған күндердің бірі Әлі де тумас бұрын, солардың бәрі Кітабыңда жазулы тұрған еді.

Забур жырлары 138:14–16

Біздің бәріміздің көктегі Әкеміз бірдей ғой! Бәрімізді де бір Құдай жаратқан жоқ па?!

Малахи 2:10

Себебі «Оның арқасында біз өмір сүріп, әрекет жасап.

Елшіл. істері 17:28

Әкенің сәбиіне жаны ашығаны іспетті, Жаратқан Иеміз де Өзін қастерлегендерге Дәл сондай мейірім мен жанашырлық көрсетеді.

Забур жырлары 102:13

Алайда Құдай сондай шапағатты, Күнәларын кешіріп, оларды құртпады. Әлденеше рет Ол ашуынан бас тартты, Жалынды қаһарын толық тұтатпады, Олардың тәндік екенін ұмытпады, Шыққан демдей қайтпайтынын ұғынды.

Забур жырлары 77:38–39