2014 ж. 3 қыркүйек, сәрсенбі

Күнделікті нұр

2014 ж. 3 қыр.

Осы жеті күн бойы ашымаған нан жеулерің қажет. Не өздеріңнен, не тұрып жатқан маңайларыңнан сол күндері ашыған нан мен басқа да ашытқымен дайындалған тағам атаулы табылмауға тиіс.

Мысырдан шығу 13:7

Жаратқанды қастерлеп, мойынсұну, Бұл — жамандық атаулыны жек көру. Жек көремін мен паңдық пен менмендікті, Жаман іс-әрекет пен бұрма сөзді.

Нақыл сөздер 8:13

Сүйіспеншіліктерің адал болуы керек. Жамандықты жек көріп, жақсылықты берік ұстаныңдар.

Римдіктерге хат 12:9

Жамандықтың қай түрінен де аулақ жүріңдер!

Салониқал. 1-хат 5:22

Абай болыңдар, ешқайсың Құдайдың рақымынан құр қалып жүрмеңдер! Әйтпесе улы жеміс беретін тамырды қазып алып тастамаса, оның қайтадан көктеп, қаулап өсіп кететіні сияқты, мұндай адамдарың өздерінің жаман көзқарастарына көптеген басқаларды да еліктіріп, арамдап, зор зиян тигізетін болады.

Еврейлерге хат 12:15

Әркім нанды жеп, тостағаннан ішпес бұрын өзін сынасын;

Қорынттықт. 1-хат 11:28

Бірақ Құдайдың салған негізі берік тұрады, онда мына сөздер «мөрленіп» жазылған: «Иеміз Өзінікі болған адамдарын жақсы біледі» және «Иеміздің атын атап сиынатын әркім жамандықтан алшақтасын!»

Тімотеге 2-хат 2:19

Бізге дәл сондай Бас діни қызметкер қажет: қасиетті де кінәратсыз, кіршіксіз таза Ол, күнәкарлардан аластатылып, аспаннан да жоғары, Құдайдың қасына, көтерілді.

Еврейлерге хат 7:26

Ал Мәсіхтің күнәларымызды алып тастауға келгенін де, Оның ешқандай күнә жасамағанын да білесіңдер.

Жоханның 1-хаты 3:5

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2014 ж. 2 қыр.
Забур жырлары 27:14 · Ишая 40:28–29
2014 ж. 1 қыр.
Ғалаттықт. хат 5:22–23 · Ишая 29:19
2014 ж. 31 там.
Римдіктерге хат 5:16 · Ишая 1:18
2014 ж. 30 там.
Естер 5:2 · Мысырдан шығу 22:27
2014 ж. 29 там.
Нақыл сөздер 16:20 · Римдіктерге хат 4:20–21
2014 ж. 28 там.
Аян 12:10 · Аян 12:11
2014 ж. 27 там.
Забур жырлары 119:105 · Забур жырлары 17:4–5