2014 ж. 19 қараша, сәрсенбі

Күнделікті нұр

2014 ж. 19 қар.

Сол сияқты, адамдарды да «жемістерінен» танып білесіңдер.

Матай 7:20

Балаларым менің, сендерді ешкім де күнә жасауға азғырмасын! Әділдік істеуші адам Мәсіхтің Өзі сияқты әділ болады.

Жоханның 1-хаты 3:7

Бұлақ көзінен бір мезгілде тұщы да, ащы да судың шығуы мүмкін бе? Бауырластарым, ойлаңдаршы: өрік ағашы зәйтүн жемісін немесе жүзім бұтасы өрік жемісін бере ала ма? Әрине, бермейді. Дәл сол сияқты, ащы су шыққан бұлақтан тұщы су да шықпайды. Араларыңдағы қайсың парасатты да саналысың? Сондай адам онысын үлгілі мінез-құлқымен, парасатты инабаттылығымен көрсетсін.

Жақыптың хаты 3:11–13

Құдайға мойынсұнбайтын халықтар арасында адал өмір сүріңдер! Олар сендерді жамандық жасаушылар деп айыптайды. Алайда Құдай бізді құтқаруға келген күні олар өз көздерімен көріп жүрген игі істеріңе бола Оны мадақтайтын болады.

Петірдің 1-хаты 2:12

Мынаны мойындауларың қажет: ағаш жақсы болса, жемісі де жақсы, ал жаман болса, жемісі де жаман. Ағаш жемісімен танылар.

Матай 12:33

Ізгі адам жан дүниесіндегі игілікті қазынадан игілік алып шығады, ал зұлым адам арам жан дүниесінен арамдық алып шығады.

Матай 12:35

Баққа Мен істемеген не қалып еді? Мен одан тәтті жүзім күткенімде, Неліктен ол сондай ащы өнім берді?

Ишая 5:4

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2014 ж. 18 қар.
Ишая 27:8 · Патшалықтар 2-ж. 24:14
2014 ж. 17 қар.
Забур жырлары 92:5 · Қолостықт. хат 1:9
2014 ж. 16 қар.
Жохан 17:17 · Жохан 15:3
2014 ж. 15 қар.
Қорынттықт. 1-хат 1:9 · Еврейлерге хат 10:23
2014 ж. 14 қар.
Забур жырлары 40:17 · Забур жырлары 37:23–24
2014 ж. 13 қар.
Ефестікт. хат 5:25–26 · Ефестікт. хат 5:2
2014 ж. 12 қар.
Қорынттықт. 2-хат 7:10 · Матай 26:75