2014 ж. 2 желтоқсан, сейсенбі

Күнделікті нұр

2014 ж. 2 жел.

Киелі Құдай сендерге Өзінің Рухын қондырғандықтан барлығын ажырата білесіңдер.

Жоханның 1-хаты 2:20

Құдай Өзінің Киелі Рухы мен құдіретін назареттік Исаға дарытты. Ол игі істер жасап, шайтанның құрсауындағы адамдарды азат етіп сауықтырып, ел аралап жүрді, өйткені Құдай Оған жар болды.

Елшіл. істері 10:38

Құдай Өзінің бүкіл болмысының рухани Ұлында тұрғанын ұнатты.

Қолостықт. хат 1:19

Оның шексіз рақымынан бәріміз молынан жарылқанып келеміз.

Жохан 1:16

Осындай жанды Жаратқан Ие жарылқайды, Құтқарушы Құдай оны рақыммен ақтайды.

Забур жырлары 23:5

Ал сендерге келсек, Құдайдан алған Киелі Рух өздеріңде қалады. Сол себептен сендерге жаңа ілім үйрететін біреудің қажеті жоқ, өйткені қажеттілердің бәрін де Киелі Рух үйретеді. Оның сендерге үйреткендері еш өтіріксіз, шынайы, сондықтан Киелі Рухтың үйреткені бойынша әрекет ете беріңдер.

Жоханның 1-хаты 2:27

Ал Әкем Менің атымнан Қамқоршыларың — Киелі Рухты жібереді. Ол Менің сендерге айтқан сөздерімнің бәрін естеріңе салып, рухани өмірлеріңе керектің бәрін үйретеді.

Жохан 14:26

Сонымен қатар әлсіреген бізді Киелі Рух та қолдайды. Тәңір Иеден не тілейтінімізді дұрыстап білмесек те, Киелі Рухтың Өзі біз үшін өтініш етіп, сөзбен айта алмас ыңқыл, күрсінісімізді Оған жеткізеді.

Римдіктерге хат 8:26

Киелі кітап үзінділері Daily Light on the Daily Path кітабынан (қоғамдық игілік).

Оқу параметрлері

Соңғы күндер

2014 ж. 1 жел.
Ишая 32:2 · Еврейлерге хат 2:14
2014 ж. 30 қар.
Аян 1:4 · Філіпілікт. хат 4:7
2014 ж. 29 қар.
Забур жырлары 65:4 · Забур жырлары 27:4
2014 ж. 28 қар.
Жақыптың хаты 2:26 · Матай 7:21
2014 ж. 27 қар.
Жохан 17:22 · Ишая 6:1–3
2014 ж. 26 қар.
Ишая 62:4 · Ишая 43:1
2014 ж. 25 қар.
Римдіктерге хат 6:18 · Матай 6:24