Күнделікті нұр, 26 тамыз: Құдайдың Өзі — Рух (Жохан 4:24)

Саф алтыннан кішкене тақташа жасатып, бетіне «Жаратқан Иеге бағышталған» деп мөр жасайтын зергер мәнерімен ойып жаздырт.

Мысырдан шығу 28:36

Құдайға бағышталған қасиетті өмір сүруге ұмтылыңдар! Мұнсыз ешкім Жаратқан Иені көре алмайды.

Еврейлерге хат 12:14

Құдайдың Өзі — Рух. Сондықтан Оған сиынатындар Оның Рухына кенеліп, шындықпен сиынуға тиіс.

Жохан 4:24

Бәріміз де күнәға батып рухани ластанып кеттік! Күллі әділ істеріміздің өзі лас шүберектей жиренішті!

Ишая 64:6

Барлық халықтар алдында салтанатты ұлылыққа кенелемін дегені осы туралы болатын, — деп түсіндірді.

Леуіліктер 10:3

Ал енді, ғибадатханаға қатысты тағылым мынау: Сион тауының басындағы ғибадатханаға жапсарлас жатқан жердің бәрі Өзіме ерекше бағышталған, ең қасиетті болып саналады.

Езекиел 43:12

Сенің үйің мәңгілік киелі де қасиетті.

Забур жырлары 92:5

Сенің шындығың арқылы олардың да Өзіңе бағышталулары үшін Мен Өзімді оларға бола Саған бағыштаймын.

Жохан 17:19

Сонымен сенімімізді берік ұстанып, оны тапжылмастан мойындайық. Көкке көтеріліп кеткен зор мәртебелі Бас діни қызметкеріміз ... Ендеше рақымы мол Құдайдың тағына нық сеніммен жақындап, өтініштерімізді білдірейік. Осылай көмекке мұқтаж кездерімізде Оның мейірімділігі мен рақымына ие боламыз.

Еврейлерге хат 4:14, 16

Тостағанды толтыра құясың.

Забур жырлары 22:5

Жаратқанның ізгілігіне көз жеткізіңдер, Қандай бақытты Оған сенімін жүктегендер! Қастерлеңдер Иені, Оның қасиеттілері! Жоқшылық қинамайды Оны қастерлейтіндерді. Арыстандар азыққа зәру жүре алады, Ал Иеге сенгендер бар игілікке тояды.

Забур жырлары 33:9–11

Өйткені рақымы Оның сарқылмас дәйім, Жаңара береді ол таң атқан сайын. Уа, Ием, сондай зор Сенің адалдығың!

Жоқтау 3:22–23

Уа, Ием, маған жар болып келесің, Жарылқап мені амандық бересің, Тағдырым қауіпсіз қолыңда Сенің. Тамаша — маған тиген үлесім, Қатты ұнайды ғажайып мұрам.

Забур жырлары 15:5–6

Пауыл ... сонымен қатар бүкіл дүние, өмір не өлім, қазіргі мен болашақ нәрселер түгелдей қауымның пайдасы үшін болуға тиісті.

Қорынттықт. 1-хат 3:22

Иеміз Иса Мәсіхтің Әкесі — Құдай мадақталсын! Ол бізді Мәсіх арқылы жарылқап, көктегі әр қилы рухани игіліктерді сыйлады.

Ефестікт. хат 1:3

Мен қандай жағдай болмасын, қолдағы барды қанағат етуді үйрендім.

Філіпілікт. хат 4:11

Расында да Құдайға ұнамды өмір сүріп, барға қанағат ету зор рухани байлыққа жеткізеді.

Тімотеге 1-хат 6:6

Ал Иса Мәсіхпен жүрген сендердің барлық қажеттеріңді де менің Құдайым Өзінің керемет байлығы бойынша қамтамасыз ететін болады.

Філіпілікт. хат 4:19