Күнделікті нұр, 3 қараша: Тыныштықты сыйлайтын Әмірші

Жаратқан Иенің көрсеткен жолдары түзу, әділдер олармен жүретін болады, ал Иемізге қарсы бас көтергендер соларда сүрініп құлайды.

Ошия 14:10

Сенетін сендер үшін осы «Тас» (Иса Мәсіх) ерекше қымбат. Ал сенбейтіндерге байланысты мынадай сөздер жазылған: «Құрылысшылар менсінбеген «Тас» енді үйдің басты іргетасына айналды!» ... Олар Мәсіх туралы хабарға мойынсұнбағандықтан «сүрініп, құлап», теріс жолға түсіп кетеді.

Петірдің 1-хаты 2:7–8

Жаратқанның жолы мінсіз жанға қорған болар, Ал зұлымдық істеушінің үрейін ұшырар.

Нақыл сөздер 10:29

Құлағы барлар жақсылап тыңдап алсын!

Матай 11:15

Ақылды жан бұл жайттарға ден қояды, Жаратқанның берік рақымын ұғынады.

Забур жырлары 106:43

Дененің «шамы» — көз. Көзің кіршіксіз таза болғанда өмірің түгелдей нұрға кенеледі.

Матай 6:22

Соның еркін орындағысы келген әркім осы ілім Құдайдан ба, әлде Мен өз бетіммен сөйлеп тұрмын ба.

Жохан 7:17

Өйткені кімде (біраз түсінік) бар болса, соған тағы да беріліп, онікі асып-тасып кетеді.

Матай 13:12

Кімде Құдайдың рухани өмірі болса, сол Оның айтқандарына құлақ асады. Сендерде Құдайдың рухани өмірі болмағандықтан, Оның айтқандарына құлақ аспайсыңдар.

Жохан 8:47

Алайда сендер шынайы өмірге ие болу үшін Маған келуден бас тартасыңдар.

Жохан 5:40

Өз «қойларым» даусымды естіп, бағынады. Мен оларды жақсы білемін, олар Маған еріп жүреді.

Жохан 10:27

Тыныштықты сыйлайтын Әмірші.

Ишая 9:6

Тыңда, Исраил: Құдайымыз Жаратқан Ие — жалғыз Құдай!

Заңды қайталау 6:4

Әкем Екеуіміз біртұтаспыз. ... Менің Әкеммен тығыз байланыста екенімізді түсінесіңдер.

Жохан 10:30, 38

Егер Мені білсеңдер, онда Әкемді де білер едіңдер, — деп жауап қайырды.

Жохан 8:19

— Мырзам, бізге Әкені көрсетіңіз, бізге сол да жеткілікті, — деп өтінді. Иса былай деп жауап берді: — Мен көптен бері қастарыңдамын, сонда да Мені шынымен білген жоқсың ба, Філіп? Кім Мені көрсе, соның Әкені де көргені.

Жохан 14:8–9

Мен және Жаратқан Ие Маған сыйлаған (рухани) балалар мұндамыз!

Еврейлерге хат 2:13

Әділ Қызметшім «жан азабының нәтижесіне қарап қанағаттанатын болады.

Ишая 53:11

Бүкіл әлемнің Билеушісі — әрдайым бар, мәңгі болып келген және болашақта келетін Құдай Ие: «Алғашқы да, Соңғы да Менмін!» — дейді.

Аян 1:8

Ыбырайым тумастан бұрын да (Мәңгі) Бар Болушы Менмін!

Жохан 8:58

Құдай оған былай деп жауап қатты: — Мен (Мәңгі) Бар Болушымын. Исраилдіктерге: «(Мәңгі) Бар Болушымын деген мені сендерге жіберді» деп айт.

Мысырдан шығу 3:14

Ал Ұл туралы былай делінген: «Сенің тағың, о, Құдай.

Еврейлерге хат 1:8

Бүкіл әлем жаратылмай тұрғанда-ақ Ол бар болатын, бәрін аман сақтайтын да — Сол.

Қолостықт. хат 1:17

Ал Құдайдың бүкіл болмысы Мәсіхтің бойында тұрады!

Қолостықт. хат 2:9