Күнделікті нұр, 16 қараша: Сөзіңе бағынып соны істей алады

Оларды шындығың арқылы Өзіңе бағыштап, таза жүргізе гөр. Сенің сөзің — шындық.

Жохан 17:17

Сол сияқты сендер де Менің өздеріңе айтқан сөздеріме сеніп, рухани таза болдыңдар.

Жохан 15:3

Мәсіх туралы Ізгі хабарға көңілдеріңнен мол орын беріңдер: Забур жырлары.

Қолостықт. хат 3:16

Жастар қалай таза жолмен жүре алады? Сөзіңе бағынып соны істей алады. Шын жүректен Саған бет бұрып келемін, Тайдыра көрме мені өсиеттеріңнен.

Забур жырлары 118:9–10

Өйткені даналық жан дүниеңе енер, Білім де жаныңды қуанышқа кенелтер, Сонда сені ақыл-парасат аман сақтар, Дұрыс түсінік те әрдайым бақылап қорғар.

Нақыл сөздер 2:10–11

Себебі Оның жолымен аяқ басып, содан еш бұрылмай жүріп келдім. Оның бұйырған өсиеттерінен бас тартқан жоқпын, аузынан шыққан сөздерін қажетті тамағымнан да артық көріп сақтайтынмын.

Әйүп 23:11–12

Бар ұстазымнан терең ұға аламын, Себебі жарлықтарың туралы толғанамын.

Забур жырлары 118:99

Егер сендер айтқандарымды естеріңе сақтап, жүзеге асырсаңдар, шынымен Менің шәкірттерім боласыңдар. Сонда ақиқатты біле түсесіңдер, ал ақиқат сендерді азаттыққа жеткізеді.

Жохан 8:31–32

Сонымен сендер енді не бөтен, не келімсек сияқты емес, Құдайдың халқы болып келген яһуди сенушілерімен бірдей, сол халықтың азаматысыңдар, тіпті «Құдайдың отбасысының мүшелерісіңдер»!

Ефестікт. хат 2:19

Ал сендер рухани Сион тауына, яғни мәңгі тірі Құдайдың көктегі Иерусалим қаласына, әрі ондағы сан мыңдаған періштелерге келдіңдер. Сондай-ақ, сенушілердің мерекелік жиыны мен қауымына қосылдыңдар. Сендер де, біз де Тәңір Иеге әке мен тұңғыш баласындай жақынбыз, есімдеріміз Оның көктегі кітабына жазылған. Барлық адамдарға үкім шығаратын Құдайдың алдына, әрі өткен кезеңдерде сенімдері арқылы ақталып, мақсаттарына жеткендерге.

Еврейлерге хат 12:22–23

Ыбырайым, Ысқақ, Жақып үшеуі де сенімдерін ұстанған күйі дүние салды. Тәңір Ие өздеріне уәде еткен игіліктерді иемденбестен соларды тек алыстан ғана көріп, қуанды. Олар өздерінің жер бетінде тек жат жұрттық келімсек ретінде тұрғандарын мойындады.

Еврейлерге хат 11:13

Алайда біздің отанымыз көкте, содан Құтқарушымызды — Иеміз Иса Мәсіхті сағына күтеміз. Ол әлемдегі күллі нәрселерді де жеңіп бағындыру үшін қолданатын құдіретті күшімен біздің өткінші тәнімізді Өзінікі сияқты салтанатты денеге айналдырады.

Філіпілікт. хат 3:20–21

Құдай Әкеге шүкірлік ете берсін деп мінажат етудеміз. ... Құдай бізді қара түнектің билігінен құтқарып, сүйікті рухани Ұлы Иса Мәсіхтің Патшалығына енгізді.

Қолостықт. хат 1:12–13

(осы күнәкар дүниеде) жат жерлік адамсыңдар, сондықтан сендерге ескертемін: өз жандарыңа ұдайы қарсы шығатын арам құмарлықтардан бас тартыңдар!

Петірдің 1-хаты 2:11