Күнделікті нұр, 12 желтоқсан: Алға қарай жылжи беріңдер!

Исраилдің Патшасы Жаратқан Ие араңда тұр, Ол саған жар!

Софония 3:15

Қорықпа, Мен саған жар боламын, Абыржыма, Мен сенің Құдайыңмын! Саған қуат беріп көмектесемін, Жеңімпаз қолыммен сүйемелдеймін.

Ишая 41:10

Сонымен салдырап, дәрменсіз қалған аяқ-қолдарыңның буындарын бекітіп, еңселеріңді көтеріңдер! Жүрексінген адамдарыңа былай деңдер: «Қорықпай, берік болыңдар! Біліп қойыңдар, сендер сиынатын Құдай жауларыңды өздері жасаған қылмыстары үшін жазалауға келеді. Иә, Құдай сендерді құтқаруға келе жатыр!»

Ишая 35:3–4

Құдайың Жаратқан Ие араңда тұр! Ол — батыр іспетті құдіретті Құтқарушы саған қатты шаттанады, сүйіспеншілігімен сені тыншытып, саған қуанып мерекелейді.

Софония 3:17

Әрдайым Жаратқанға арт сеніміңді, Батыл болып, нығайта түс жүрегіңді!

Забур жырлары 26:14

Көктегі тақтан былай деген зор дауысты естідім: «Қараңдар, Құдайдың адамдар арасындағы тұрағы! Ол солармен бірге тұрып, олар Оның халқы болмақ. Осылай Құдайдың Өзі солармен бірге мекендеп, олардың Құдайы болады! Ол барлық көз жастарын сүртіп тастап жұбатады. Енді қайтып өлім, жоқтау, зар еңіреу мен ауру болмайды. Себебі бұрынғы әлем құрып, жоқ болды».

Аян 21:3–4

Неге айқайлап Мені шақырып тұрсың? Исраилдің үрім-бұтағына: «Алға қарай жылжи беріңдер!» деп бұйыр.

Мысырдан шығу 14:15

Батыл бол! Халқымыз үшін, Құдайымыздың қалалары үшін мызғымай берік тұрайық! Ал Жаратқан Ие дұрыс деп тапқанын істесін!

Шежірелер 1-ж. 19:13

Сол себепті біз Құдайымызға сиынып, олардан қорғану үшін күні-түні қабырғаға қарауыл қойдық.

Нехемия 4:9

Маған: «Мырза, Ие!» дейтін әркім емес, көктегі Әкемнің еркін орындайтындар ғана Оның Патшалығына кіре алады.

Матай 7:21

Соның еркін орындағысы келген әркім осы ілім Құдайдан ба, әлде Мен өз бетіммен сөйлеп тұрмын ба.

Жохан 7:17

Ендеше Жаратқан Иені мойындап, Оны жақыннан танып білуге жан сала ұмтылайық!

Ошия 6:3

Азғырылмау үшін сергек болып, сиынып мінажат етіңдер!

Матай 26:41

Сақ болыңдар, сенімдеріңде берік, ер жүрек әрі күшті тұрыңдар!

Қорынттықт. 1-хат 16:13

Лайым жақсылыққа деген талпыныстарың бәсеңдемесін; Иеміздің қызметінде жүріп, рухтарың жалындай берсін!

Римдіктерге хат 12:11

Сонымен салдырап, дәрменсіз қалған аяқ-қолдарыңның буындарын бекітіп, еңселеріңді көтеріңдер! Жүрексінген адамдарыңа былай деңдер: Қорықпай, берік болыңдар! Біліп қойыңдар.

Ишая 35:3–4