Күнделікті нұр, 7 наурыз: Ол сені құтқарып алған Қамқоршың

Өйткені өзіңді жаратқан Тәңір саған жар! Ол сені құтқарып алған Қамқоршың.

Ишая 54:5

Осында терең сыр бар, мен мұны Мәсіхке және қауымға байланысты айтамын.

Ефестікт. хат 5:32

Бұдан былай ешкім сені «күйеуі тастап кеткен» деп атамайды ... сені «Қуанышым» және жеріңді «Келіншек» деп атайтын болады. ... Күйеуінің келіншегін қамқорлайтынындай ... сенің тұрғындарың өзіңмен тұрақты байланыс орнатады. Күйеу жігіттің қалыңдығына қуанатынындай, Құдайың да саған шаттанатын болады.

Ишая 62:4–5

Жаратқан Ие мені жарлыларға ізгі хабар жеткізуге және жаралы жүректерді жұбатып орнықтыруға тағайындады ... қайғырып жүргендердің бәрін жұбатуға да жіберді. Маған Сион қаласындағы жоқтап жүргендердің бастарына шашқан күл орнына әшекейлі тәж кигізіп, жұпар иісмай жағып, қайғыларын қуанышпен алмастыруды тапсырды. Үміттері үзіліп, көңілдерін мұң шалғандар енді мадақтау әндерін шырқап, шаттыққа бөленетін болады.

Ишая 61:1–3

Жаратқан Иеге қатты қуанам, Құдайыма шаттанады жан дүнием, Мені Ол құтқарып, амандыққа бөледі, Үстіме әділдікті де жауып берді! ... Әшекейлі тәж басына киеді, Қалыңдық асыл тастарын тағады, Дәл солай мен де болдым салтанатты!

Ишая 61:10

Халқым,) Мен сені Өзіме мәңгілікке атастырамын. Мен әділдік пен әділет, берік сүйіспеншілік пен рақымдылық танытып, сені Өзіме айттырамын.

Ошия 2:19

Мәсіхтің сүйіспеншілігінен бізді не айыра алады?

Римдіктерге хат 8:35

Өмірім Сенің қолыңда.

Забур жырлары 30:16

Өзіңе бағышталған қасиеттілердің.

Заңды қайталау 33:3

Содан соң Жаратқан Ие Ілиясқа сөзін арнап былай деді: «Бұл жерден шығысқа қарай, Иордан өзенінің арғы жағындағы Хорат сайының маңына барып жасырын. Мен құзғын-қарғаларға сені тамақтандыруды бұйырдым, ал суыңды сайдан ішерсің». Сонда Жаратқан Ие Ілиясқа сөзін арнап былай деді: «Енді Сидонның маңындағы Сарептаға барып, сонда тұр. Сол жердегі бір жесір әйелге сені тамақтандыруды тапсырып отырмын».

Патшалықтар 3-ж. 17:2–4, 8–9

Сондықтан сендерге мынаны айтамын: не ішіп-жейміз деп өмірлеріңді, не киеміз деп тәндеріңді уайымдамаңдар! ... Ал бұлардың бәрінің сендерге қажет екенін көктегі Әкелерің біледі ғой.

Матай 6:25, 32

Өз ақыл-санаңа сүйеніп жүрме, Сенім арт шын жүректен Жаратқан Иеңе. Бар жағдайда да мойында Тәңір Иеңді, Сонда Ол тура жолмен жетелер сені.

Нақыл сөздер 3:5–6

Барлық уайымдарыңды Құдайға сеніп тапсырыңдар, себебі Ол қамдарыңды ойлайды!

Петірдің 1-хаты 5:7