Күнделікті нұр, 23 наурыз: Мұнда жақындама, аяқкиіміңді шеш!

Мәңгі бар және болашақта келетін Құдай Ие қасиетті.

Аян 4:8

Бірақ Сен киелісің, Исраил халқың Сені мадақтайтын тағыңда отырасың.

Забур жырлары 21:4

Мұнда жақындама, аяқкиіміңді шеш! Сен басып тұрған осы жер киелі, — деп бұйырып, — Мен әкеңнің Құдайымын әрі Ыбырайым, Ысқақ және Жақыптың Құдайымын, — деді. Мұса Оған қарауға дәті бармай, бетін жауып алды.

Мысырдан шығу 3:5–6

«Сендер Мені кімге ұқсатасыңдар, Кіммен Мені салыстырасыңдар?» — Деп сауал қояды Киелі Құдай.

Ишая 40:25

Себебі Мен сенің Құдайың Жаратқан Иемін, Мен, Исраил сиынған Киелі Құдай, Құтқарушыңмын! ... Мен Жаратқан Иемін, Менен басқа Құтқарушы жоқ!

Ишая 43:3, 11

Өздеріңді шақырған Құдайдың қасиетті болғаны сияқты, сендер де бүкіл іс-әрекеттеріңде Оған бағышталған қасиетті болыңдар! Тауратта Оның былай дегені бар ғой: «Мен киелімін, сондықтан сендер де Өзіме бағышталып киелі болыңдар!»

Петірдің 1-хаты 1:15–16

Әлде денелеріңнің Киелі Рух мекендейтін киелі үй екенін білмейсіңдер ме? Сендер Құдайдан қабылдаған Киелі Рух бойларыңнан орын алды. Енді өз меншіктерің емессіңдер.

Қорынттықт. 1-хат 6:19

Себебі біздер мәңгі тірі Құдайдың «киелі үйіміз». Құдайдың Өзі мынадай сөздер айтқан: «Мен орталарында тұрып, араларында жүретін боламын. Мен олардың Құдайы, ал олар Менің халқым болады».

Қорынттықт. 2-хат 6:16

Бағыт жайлы келісіп алмаса, екі адам бірге жүре ала ма?

Амос 3:3

Бірақ екі шәкірт: — Бізбен бірге бола көріңіз! Күн кеш болды.

Лұқа 24:29

Міне, Мен есік алдына келіп, қағып тұрмын. Кімде-кім даусымды естіп, есік ашса, Мен оның жан дүниесіне еніп, онымен бірге «дастарқандас» боламын; ол да рухани нәр алып, Менімен тығыз байланыста болады.

Аян 3:20

Айтшы маған, уа, сүйіктім, қай жерде Бағып жүресің өз отарыңды? Әрі сен қайда барып, түскі кезде Тынықтырып аласың қойларыңды? Мен несіне қаңғырамын бет-перде Жамылған жүгенсіздей, достарыңның Отарлары арасынан сені іздеуге? (Құрбылары:).

Таңдаулы ән 1:6

Кездестірдім жарымды жаным сүйген! Оны ұстап алып жібермедім.

Таңдаулы ән 3:4

Жұпарларын оның тарата берсеңші! Сүйген жарым өз бақшасына келсін, Тәтті жемістерінен таңдап жесін!

Таңдаулы ән 4:16

(Күйеу:) Міне, мен өз бақшама кіріп алдым.

Таңдаулы ән 5:1

Әрі Жақыптың ұрпақтарынан Өзіме бекерге бет бұрып, бой ұсынуын талап етпедім.

Ишая 45:19

Мен бұл дүниенің ақыр соңына дейін әр күні өздеріңмен бірге болып, сендерге жар боламын!» (Аумин).

Матай 28:20

Жалғыз да қалдырмаймын, — деген ғой.

Еврейлерге хат 13:5

Өйткені екі-үш адам Менің атымнан жиналса, Мен де сол жерде араларында боламын.

Матай 18:20

Содан кейін осы күнәкар дүние Мені көрмейді, ал сендер Мені көресіңдер. Мен қайта тірілемін.

Жохан 14:19