Күнделікті нұр, 5 мамыр: Екі торғайды бір теңгеге сатпай ма?

Сондықтан не ішіп-жейміз, не киеміз деп уайымдамаңдар! ... Ал бұлардың бәрінің сендерге қажет екенін көктегі Әкелерің біледі ғой.

Матай 6:31–32

Қастерлеңдер Иені, Оның қасиеттілері! Жоқшылық қинамайды Оны қастерлейтіндерді. Арыстандар азыққа зәру жүре алады, Ал Иеге сенгендер бар игілікке тояды.

Забур жырлары 33:10–11

Ол тура жолменен жүретін адамдарды Сыйлайтын игіліктерінен құр қалдырмайды. Уа, әлемнің құдіретті Иесі — Жаратқан, Қандай бақытты Өзіңе сенім артқан жан!

Забур жырлары 83:12–13

Жалпы, сендерді уайым-қайғы баспаса екен деймін.

Қорынттықт. 1-хат 7:32

Еш нәрсені уайымдамай, барлық жағдайда өтініштеріңді Құдайға сиынып тілекпен және шүкірлікпен білдіріңдер!

Філіпілікт. хат 4:6

Екі торғайды бір теңгеге сатпай ма? Дегенмен көктегі Әкелеріңнің еркінсіз бірде-бір торғай жерге құлап түспейді. Тіпті бастарыңдағы шаштарыңның саны да Оған белгілі! Сондықтан адамдардан қорықпаңдар: Құдай үшін сендер көптеген торғайлардан да әлдеқайда қымбатсыңдар!

Матай 10:29–31

Неліктен соншама қорқасыңдар? Әлі де сенімдерің жоқ па? — деді.

Марқа 4:40

Иса жауап беріп шәкірттеріне былай деді.

Марқа 11:22

Жаратқан Исраилді бұлтпен жапты, Түнде от оларға сәулесін шашты.

Забур жырлары 104:39

Әкенің сәбиіне жаны ашығаны іспетті, Жаратқан Иеміз де Өзін қастерлегендерге Дәл сондай мейірім мен жанашырлық көрсетеді. Неден жаратылдық, соны түгел біледі, Топырақтан екеніміз Оның есінде.

Забур жырлары 102:13–14

Күндіз күннің, түнде айдың Тимесін деп сәулелері.

Забур жырлары 120:6

Оны күндізгі қапырықтан тасалап, дауыл мен жауыннан да қорғайтын болады.

Ишая 4:6

Қорғаушың — Жаратқан Ие, Қасыңда Ол саяң болып жүреді, Бүгіннен бастап мәңгі бақи Иеміз қорғайтын болады Барып-келу сапарыңды.

Забур жырлары 120:5, 8

Жаратқан Ие исраилдіктерге жол көрсетіп, күндіз бағана тәрізді бұлт ішінде, ал түнде жолдарына жарық түсіріп, жалындаған от бағанасының ішінде алдарында жүріп отырды. Осылайша олар күні-түні жол жүре алды. Жаратқан Ие не күндіз бағана тәрізді бұлтты, не түнде жалындаған от бағанасын халықтың көз алдынан ажыратпай, әрдайым бірге жүргізді.

Мысырдан шығу 13:21–22

Иса Мәсіх өткенде, қазір және болашақта мәңгілік Өзі болып қала береді.

Еврейлерге хат 13:8