Күнделікті нұр, 9 маусым: Салауатты да сергек болыңдар!

Бірде-бір адам Ол сияқты сөйлеген емес! — деді.

Жохан 7:46

Сен әсемсің күллі адам баласынан, Мейірімді сөз ағылады аузыңнан, Құдай Сені мәңгілікке жарылқаған.

Забур жырлары 44:3

Маған Жаратушы Тәңір Иенің Өзі тәлім беріп, қажығандарды жігерлендіру үшін не айту керегін аузыма салып отыр.

Ишая 50:4

Әрі оның ауызы сондай тәтті, Иә, оның өзі түгелдей сымбатты! Осыған ұқсайды сүйіктім, досым менің, Уа.

Таңдаулы ән 5:16

Бәрі Оған ризалық білдіріп, аузынан шыққан ұнамды сөздеріне таңғалды. Бұдан кейін олар.

Лұқа 4:22

Себебі Иса оларға өздерінің дін мұғалімдері сияқты емес, Құдайдан ерекше билігі бар Біреу ретінде тағылым берді.

Матай 7:29

Мәсіх туралы Ізгі хабарға көңілдеріңнен мол орын беріңдер: Забур жырлары.

Қолостықт. хат 3:16

Құдай сөзін «рухани семсер қылып ұстаңдар»!

Ефестікт. хат 6:17

Себебі Құдайдың сөзі тірі, әсері де күшті. Ол екі жүзді семсердің қайсысынан да өткір!

Еврейлерге хат 4:12

Қолданып жүрген қаруларымыз осы дүниелік емес, оларда Құдайдың құдіреті бар. Солармен жау бекіністерін талқандаймыз; оның дәлелдемелерінің қате екенін әшкерелеп, адамдардың Құдайды тануларына бөгет болатын тәкаппарлық атаулыны құртып, күллі ой-пікірлерін Мәсіхке бағындырамыз.

Қорынттықт. 2-хат 10:4–5

Зұлымның шаттануы ешқашан ұзаққа созылмады.

Әйүп 20:5

Ал сен оның өкшесін шағатын боласың», — деді.

Жаратылыстың баст. 3:15

Қара түнектің күші билігін жүргізіп тұр», — деді.

Лұқа 22:53

Тәңір Иенің рухани балалары ет пен сүйектен жаралғандықтан, Иса да ет пен сүйектен тұратын тәнді қабылдады. Осылайша Ол Өзінің құрбандық өлімі арқылы өлімнің әміршісін, яғни әзәзіл шайтанды, жеңіп шықты.

Еврейлерге хат 2:14

Осылайша Құдай рухани билеушілер мен әміршілердің күш-қуатын талқандап, оларды бүкіл әлем алдында әшкерелеп, Мәсіхтің істегендері арқылы жеңіп шықты.

Қолостықт. хат 2:15

Салауатты да сергек болыңдар! Сендердің қас жауларың, шайтан, ақырған арыстандай қауымды айнала шарлап, кімді жалмасам деп торуылдап жүр. Сенімдеріңе берік болып, оған төтеп беріңдер!

Петірдің 1-хаты 5:8–9

Әзәзіл шайтанға қарсы тұрыңдар, сонда ол сендерден қашып кетеді.

Жақыптың хаты 4:7

Арсыз жан әділге жамандық ниеттенер, Менсінбей оны, тіс қайрап жек көрер. Бірақ Иеміз онысына тек күледі, Сот күнінің таяп қалғанын біледі.

Забур жырлары 36:12–13

Тыныштық сыйлайтын Құдай жуық арада әзәзіл шайтанды аяқтарыңа жығып бермек.

Римдіктерге хат 16:20

Бұларды еліктіріп алдаған әзәзіл шайтан күкіртпен жанып тұрған отты көлге (яғни тозақ отына) тасталады ... Олар сонда күні-түні мәңгілік азап шегетін болады.

Аян 20:10