Күнделікті нұр, 17 қараша: Түпсіз терең Сенің ой-ниеттерің!

Түпсіз терең Сенің ой-ниеттерің!

Забур жырлары 91:6

Сол себептен де біз мұны естіген кезден бері сендер үшін ұдайы Құдайға сиынып келеміз. Сендердің Оның еркін толықтай біліп, өте парасатты да рухани көреген болуларыңды Құдайдан өтінудеміз.

Қолостықт. хат 1:9

Мәсіх сенімдерің арқылы жүректеріңе орныға көрсін, әрі рухани өмірлерің Оның сүйіспеншілігіне тамыр жайып, негізделсін. Осылай сендер Мәсіхтің сүйіспеншілігінің қаншалықты кең де көз жеткісіз терең және биік екенін Құдайдың бүкіл халқымен бірге түсіне алып, адам санасы жетпейтін осы сүйіспеншілікті танып білсеңдер екен. Сол арқылы Құдайдың рухани қасиеттері бойларыңа толықтай дари берсін!

Ефестікт. хат 3:17–19

О, неткен бай Құдайдың даналығы, Неткен терең Оның білік-парасаты; Шешімдеріне адам ақылы жетпес, Жолдарын Оның ешкім зерттеп бітпес!

Римдіктерге хат 11:33

Жаратқан Ие: «Менің ойым сендердің пікірлеріңнен өзге, Менің жолым сендердікінен басқа, — деп ескертеді. — Аспанның жерден қаншама жоғары болатынындай, Менің жолым да сендердікінен соншама жоғары, Менің ойым да пікірлеріңнен тым биік.

Ишая 55:8–9

Уа, Құдай Ием, көп керемет жасадың, Біздің игілігімізді Сен ойлап тұрсың. Игі істеріңді айтуға тырыссам, Көптігі сонша, санауға жетпейді сан: Саған тең келе алмас бірде-бір жан!

Забур жырлары 39:6

Өз бетімен жүруіне жол бермейді. «Адам не ексе, соны орады» дейді.

Ғалаттықт. хат 6:7

Жамандықтың тұқымын сеуіп, зұлым жоспар құратындар солардың өнімін өздері жинайды.

Әйүп 4:8

Халықтың еккені жел еді, енді жинағандары құйын болады.

Ошия 8:7

Өзінің ескі күнәкар болмысын қанағаттандырушы сол болмысқа тән өлімді орады.

Ғалаттықт. хат 6:8

Әділдік сепкеннің сыйы тозбайды.

Нақыл сөздер 11:18

Ал Құдайдың Рухына қызмет етуші осы Рухқа тән мәңгілік өмірді орады. Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз. Сондықтан мүмкіндік барда барлық адамдарға, әсіресе сенімі бір бауырластарымызға, жақсылық істей берейік!

Ғалаттықт. хат 6:8–10

Қолы ашық адам байи түсер, Тым сараң жан кедейлене түсер.

Нақыл сөздер 11:24

Жомарт жан игілікке кенелер, Басқаны сергіткен өзі де сергір.

Нақыл сөздер 11:25

Сараң сепкен сараң жинар, жомарт сепкен жомарт жинар делінген ғой.

Қорынттықт. 2-хат 9:6