Күнделікті нұр, 5 қыркүйек: Ал қауым — Мәсіхтің рухани денесі

Көптеген мүшелері болса да адамның денесі біреу ... Мәсіхтің рухани денесімен де дәл солай.

Қорынттықт. 1-хат 12:12

Сенушілер қауымының, яғни Өзінің рухани денесінің.

Қолостықт. хат 1:18

Оны барлығынан да жоғары қойып, сенушілер қауымының Басы етті. Ал қауым — Мәсіхтің рухани денесі. Мәсіх бүкіл әлемді Өзімен толтырғаны сияқты, қауымды да толтырады.

Ефестікт. хат 1:22–23

Біздер Оның рухани денесінің мүшелеріміз.

Ефестікт. хат 5:30

Бірақ Маған тәндік денемді дайындадың.

Еврейлерге хат 10:5

Ұрық күйімде мені көзіңмен көрдің. Сен маған бұйырған күндердің бірі Әлі де тумас бұрын, солардың бәрі Кітабыңда жазулы тұрған еді.

Забур жырлары 138:16

Олар Сенікі еді, Сен Маған оларды бердің.

Жохан 17:6

Құдай бізді Өзінің алдында қасиетті де мінсіз халқы болып жүрсін деп, әлемді жаратпастан бұрын Мәсіхтің құрбандығына бола сүйіспеншілікпен таңдаған еді.

Ефестікт. хат 1:4

Құдай алдын ала білетін біздерді Өзінің рухани Ұлының үлгісіне ұқсасын, осылайша рухани Ұлы көптеген бауырластарының арасындағы тұңғышы іспетті аса қадірлі болсын деп бұрыннан белгілеп қойған еді.

Римдіктерге хат 8:29

Бір-бірімізге шындықты сүйіспеншілікпен айтамыз және қауымның Басы — Иса Мәсіхпен тығыз байланысымызда жан-жақты өсіп жетілеміз. Сонда мүшелері үйлесіп, бірігіп жұмыс істеп тұрған бұл біртұтас рухани дене түгелдей өзінің Басы ... бүкіл дене өсіп, сүйіспеншілік арқылы күшейе береді.

Ефестікт. хат 4:15–16

Тастап кетті және өздеріне арнап «құдықтар» қазып алды.

Еремия 2:13

Уа, Құдай, Сенің рақымың қандай қымбат, Қанатыңның астын паналайды адамзат, Әлеміңнің игілігіне тойдырасың, Өзеніңнің рақатына қандырасың. Өйткені өмірдің қайнары Өзіңсің.

Забур жырлары 35:8–10

Жаратушы Тәңір Ие, былай деймін: Біліп қойыңдар, Маған қызмет ететіндер тойына ішіп-жеп, ал сендер, зұлымдар, ашығып, шөлдейтін боласыңдар!

Ишая 65:13

Ал кімде-кім Мен беретін «судан» ішсе, ол мәңгі бақи шөлдемейтін болады. Мен беретін «су» оның ішінде мәңгілік өмір сыйлайтын, бұрқылдап жатқан «қайнарға» айналады.

Жохан 4:14

Иса бұларды Киелі Рух туралы айтты; Оны Исаға сенгендер кейінірек қабылдады.

Жохан 7:39

Ей, шөлдегендер, бәрің су көздеріне келіңдер!

Ишая 55:1

Киелі Рух пен Қалыңдық: «Келе гөр!» — деп шақырады. Мұны естіген әркім де «Келе гөр!» десін. Жаны сусаған әркім сыйлық ретінде шынайы өмірдің суын қабылдасын!

Аян 22:17