Күнделікті нұр, 9 қазан: Ал Сен кешірімі мол (Нехемия 9:17)

Ал Сен кешірімі мол, мейірімді де қайырымды Құдайсың.

Нехемия 9:17

Кейбіреулер «Ол кешігіп, келмей қалды» деп санағанмен, Иеміз уәдесін орындауын кешіктірмейді! Керісінше, Ол бізге төзімділік танытуда: ешкімнің де тозаққа түсуін емес, барлық адамдардың теріс жолдан қайтып, күнәларына өкініп, солардан арылуын қалайды!

Петірдің 2-хаты 3:9

Себебі Ол адамдарды құтқарғысы келеді.

Петірдің 2-хаты 3:15

Ал Иса Мәсіх алдымен мен арқылы Өзінің төзімділігін толығымен көрсету үшін маған қайырымдылық танытты. Сөйтіп мені болашақта Иса Мәсіхке сеніп, мәңгілік өмірге ие болатын адамдардың бәріне үлгі етті.

Тімотеге 1-хат 1:16

Киелі жазбалардағы осындай сөздердің бәрі бізге тәлім болсын деп ежелде жазылып қалдырылды. Керемет болашағымыздан үміт үзбеуіміз үшін Киелі жазбалар арқылы табандылық пен жігерлілікке үйренеміз.

Римдіктерге хат 15:4

Әлде сен Құдайдың мейірім көрсетіп, өзіңді теріс жолдан қайтарғысы келетінін ұқпай, Оның мол мейірімділігін, сабырлылығын және шыдамдылығын менсінбейсің бе?

Римдіктерге хат 2:4

Қайғыларыңды білдіру үшін тек киімдеріңнің өңірін жыртып қана қоймаңдар, істегендеріңе шын жүректен өкініңдер! Құдайларың Жаратқан Иеге қайтып келіңдер! Өйткені Ол рақымды да қайырымды, тез қаһарланбайды, берік мейірімі мол, әрі жазалаймын деген райынан қайтуға дайын.

Жоел 2:13

Жаратқанның сөздері таза да сенімді.

Забур жырлары 11:7

Уәделеріңнің шындығы іс жүзінде сыналған, Уа, Ием, оларды қатты ұнатамын сондықтан.

Забур жырлары 118:140

Әрі әділ — Жаратқанның бұйрықтары, Олар жүрекке қуаныш құяды. Жаратқанның өсиеттері сондай нұрлы, Көздерді ашып, жарқыратады.

Забур жырлары 18:9

Құдайдың барлық сөздері пәк таза, Ол қалқандай Өзін паналайтындарға. Оның сөздеріне еш нәрсе қоспа, Әйтпесе Ол саған ескертіп ұрсар, Өтірігің ашылып жария болар.

Нақыл сөздер 30:5–6

Күнә жасамауым үшін Саған қарсы, Жүрегіме сақтадым айтқандарыңды. Бұйрықтарың жайлы терең ойланамын, Сенің жолыңа мұқият ден қоямын.

Забур жырлары 118:11, 15

Бауырластарым, күллі шынайы да қастерлі, әділ де таза, ұнамды да тартымды нәрселер, яғни қандай да адамгершілік және мақтауға тұрарлық қасиет болмасын, солар туралы ойлана беріңдер!

Філіпілікт. хат 4:8

Жаңа туған сәбидің сүтке шөліркегеніндей, әрдайым Құдай сөзінің «таза сүтіне» құштар болыңдар. Содан нәр алғанда рухани өсіп, күнәнің құлдығынан толығырақ құтқарыла аласыңдар.

Петірдің 1-хаты 2:2

Біз көптеген басқалар сияқты Құдайдың хабарын пайда көздеп, бұрмаламаймыз. Қайта, Мәсіхпен тығыз байланыста тұрып, Құдайдан жіберілгендер ретінде Ізгі хабарды Оның көз алдында адалдықпен уағыздаймыз.

Қорынттықт. 2-хат 2:17

Құдайдың хабарын бұрмаламаймыз да.

Қорынттықт. 2-хат 4:2