Күнделікті нұр, 11 қазан: Енді алыстай көрме менен Өзің

Енді алыстай көрме менен Өзің. Себебі азап-бейнет қалды таяп.

Забур жырлары 21:12

Уа, Жаратқан, қашанғы Сен мені ұмытпақсың? Мәңгілік пе бет-жүзіңді менен жасырмағың? Қашанғы көңілім уайымға тола бермек, Жүрегім күн сайын қасіретке кенелмек?

Забур жырлары 12:2–3

Бет-жүзіңді жасыра көрме менен, Ашумен бас тартпа мендей пендеңнен. Қорғап-қолдаушым болып келесің Сен, Жалғыз қалдырып безіп кетпе менен, Уа, Құдайым, Құтқарушымсың Сен.

Забур жырлары 26:9

Ол Маған сиынғанда құлақ саламын, Азап шеккен кезінде оған жар боламын, Аман-есен сақтап, құрметке бөлеймін.

Забур жырлары 90:15

Иеміз Өзіне сиынғандардың жанында, Ол шынайы шақырғандардың қасында, Өзін қастерлейтіннің тілегін орындайды, Жалынышын естіп, оны аман сақтайды.

Забур жырлары 144:18–19

Мен сендерді жетімсіретпей, өздеріңе қайтып келемін.

Жохан 14:18

Мен бұл дүниенің ақыр соңына дейін әр күні өздеріңмен бірге болып, сендерге жар боламын!» (Аумин).

Матай 28:20

Құдай — біздің панамыз да күшіміз, Қиын кезде сенімді көмекшіміз.

Забур жырлары 45:2

Жаным тыным табады жалғыз Құдайдан, Құтқарылуым келеді тек қана Одан.

Забур жырлары 61:2

Жан дүнием, тыным тап жалғыз Құдайдан, Үміт келеді маған тек қана Одан.

Забур жырлары 61:6

Сенің киелі есімің қастерлене берсін.

Матай 6:9

Жаратқан Иеден, басқа ешбір тәңірге құлшылық етпеңдер! Себебі бір атағым «Қызғаныш». Өзімді шын көңілмен сүйіп, түгелдей бағышталуларыңды талап еткен Құдаймын.

Мысырдан шығу 34:14

Уа, Жаратқан Ие, қай «тәңір» Саған тең келер еді? Ешкім жоқ Сендей салтанатты да қасиетті, Даңқты ұлылығымен айбынды да қастерлі, Керемет істер жасайтын сондай құдіретті!

Мысырдан шығу 15:11

Мәңгі бар және болашақта келетін Құдай Ие қасиетті.

Аян 4:8

Қасиетті салтанатына бөленіңдер, Жаратқан Иеге бағынып бас иіңдер!

Шежірелер 1-ж. 16:29

Заңғар биік тағында отырған Тәңір Иенің аянын көрдім. Оның салтанатты шапанының етегі киелі үйдің ішін алып жатты. Тәңір Иені айналдыра оттай жалындаған періштелер қызмет етіп тұрды ... Жалындаған періштелер бір-біріне дауыстап: «Әлемнің Иесі киелі, қасиетті, қастерлі! Бүкіл дүние Оның салтанатты ұлылығына кенелген!» — десіп тұрды. Сонда мен дауыстап: Қасіретке қалдым-ау, енді құритын болдым!

Ишая 6:1–3, 5

Сен туралы бұрын өзгелерден естігенмін, ал енді Сені өз көкірек көзіммен көріп тұрмын. Сондықтан бұрынғы айтқандарыма өкініп, қатты қайғырып күл-топырақта отырмын.

Әйүп 42:5–6

Онда өзара байланыста боламыз және Оның рухани Ұлы Исаның төгілген қаны бізді барлық күнәларымыздан тазартады.

Жоханның 1-хаты 1:7

Осылайша Өзінің қасиетті болғанындай бізді де қасиетті етуді көздейді.

Еврейлерге хат 12:10

Сонымен, бауырластар, Исаның өз қанын төккенінің арқасында енді нық сеніммен ең қасиетті орынға кіре аламыз. Сондықтан да адал жүрекпен, нық сеніммен Құдай алдына барып, Оған сиынайық.

Еврейлерге хат 10:19, 22